पुस २५, २०८०
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
असार २९, २०७७
बुटवलको सडक डिभिजन कार्यालय परिसरलाई प्रदेश सरकारको ‘मिनि सिंहदरबार’ बनाउने योजना बनाइयो । सोही अनुसार संघीय सरकारले परिसर क्षेत्र र त्यहाँ रहेका भवन प्रदेश सरकारलाई उपलब्ध गराउने निर्णय २०७६ माघ ६ गते गर्यो ।
निर्णयसँगै यत्रतत्र छरिएका मन्त्रालयहरू डिभिजन परिसरमा केन्द्रित भए । परिसरमै रहेको आन्तरिक राजस्व कार्यालयलाई एक निजी घरमा स्थानान्तरण गरेर आर्थिक मामिला तथा योजना मन्त्रालय ल्याउने भनिएको थियो ।
तर भवन खाली भएको ५ महिनासम्म पनि मुख्यमन्त्री शंकर पोखरेलले नै सम्हालेको मन्त्रालय अझैसम्म सरेको छैन । मन्त्रालयका लागि भवन अभाव देखाउने तर खाली भएको भवनमा लामो समयसम्म नसर्दा शंकाको दृष्टिले हेर्न थालिएको छ ।
राजस्व कार्यालयले फागुन ११ गते भवन खाली गरेको थियो । अहिले मुख्यमन्त्री तथा मन्त्रिपरिषद् कार्यालय र आर्थिक मामिला तथा योजना मन्त्रालय बुटवल दरबार मार्गमा छ । राजस्व कार्यालय मासिक ३ लाख ५० हजार रुपैयाँभन्दा बढी भाडा तिरेर बुटवल–११ कालिकानगरस्थित एक निजी घरमा स्थानान्तरण गरिएको छ ।
मन्त्रालयको लागि पूर्वाधार अभाव भए भनेर कार्यक्रममा भाषण गर्ने मुख्यमन्त्री पोखरेलले ४ वर्षअघि मात्र बनेको सुविधासम्पन्न भवन खाली गरिए पनि सार्ने इच्छा देखाएका छैनन् । १७ विगाहा क्षेत्रमा फैलिएको परिसरमा सामाजिक विकास मन्त्रालय, उद्योग, पर्यटन, वन तथा वातावरण मन्त्रालय र भौतिक पूर्वाधार विकास मन्त्रालय छन् । ५ नम्बर प्रदेशमा ७ वटा मन्त्रालय छन् ।
आन्तरिक राजस्व कार्यालय बुटवलका प्रमुख ध्रुव ज्ञवालीले संघीय सरकारले भवन खाली गराएर प्रदेश सरकारलाई उपलब्ध गराइदिनु भनेको पत्र पाएपछि आफूहरू महंगो भाडादर तिरेर निजी भवनमा सरेको बताए । उनले भने, ‘संघीय सरकारले हामीलाई माघमा पत्र काटेर भवन प्रदेशलाई दिनु भनेपछि हामीले भवन खोजेर फागुनमा सरियो । अझैसम्म पनि मन्त्रालय सरेको रहेनछ । सरेको भए राम्रो हुने थियो ।’
भवन ४ वर्षअघि मात्रै बनेको हो । भौतिक पूर्वाधार तथा विकास मन्त्री तथा प्रदेश सरकारका प्रवक्ता बैजनाथ चौधरीले मन्त्रालय खाली भवनमा सर्न ढिलाइ हुनुमा कुनै राजनीतिक कारण नरहेको बताए । उनले भने, ‘राजस्वले भवन खाली गरेलगत्तै मुलुकमा महामारीको हल्ला चल्यो । लगत्तै लकडाउन भयो । त्यसपछि मन्त्रालय बजेटमा केन्द्रित हुँदा ढिलाइ भएको हो । अन्य कारण केही छैन ।’ उनले कहिले मन्त्रालय सर्छ भन्ने जानकारी दिएनन् ।
मन्त्री चौधरीले थपे, ‘अहिले फेरि वर्षायाम छ । महत्त्वपूर्ण सामग्री पानीमा भिज्न पनि सक्छन् । छिट्टै नयाँ भवनमा मन्त्रालयमा आउँछ । सरसफाईको काम पनि बाँकी छ ।’ सडक डिभिजन क्षेत्रभित्र मुख्यमन्त्री पोखरेलको निवास पनि छ भने अख्यितार दुरुपयोग अनुसन्धान आयोगको कार्यालयमा पनि छ ।
आर्थिक मामिला तथा योजना मन्त्रालयका उपसचिव जर्नाजन पौडेलले भवनमा रंगरोगन गर्ने र आवश्यक व्यवस्थापनका काम भएको बताए । उनले भने, ‘भवनमा सर्न ढिलाइको कुनै राजनीतिक कारण छैन । भवन खाली भएपछि हामी बजेटमा केन्द्रित भयौं । अब नयाँ आर्थिक वर्षमा साउन महिनामा सर्छ ।’
परिसरभित्र रहेको इलाका प्रशासन कार्यालयलाई सेक्टर वन कार्यालयको भवनमा सारिएको छ । राजस्व अनुसन्धान कार्यालयलाई बुटवल नयाँगाउँमा स्थानान्तरण गरेर मुख्यमन्त्रीको निवास बनाइएको छ । हेभी इक्युपमेन्टको कार्यालय पनि सर्ने तयारीमा छ । यातायातको कार्यालयलाई उद्योग, पर्यटन मन्त्रालय राखिएको छ । छरिएर रहेका मन्त्रालयहरू एकै ठाउँमा भएपछि सेवा छिटो र सुरक्षा सबै दृष्टिकोणले उपयुक्त हुने भनिएको छ ।
नेकपा सांसद भोजप्रसाद श्रेष्ठले मन्त्रालयका लागि खाली गराइएको भवनमा तत्काल सर्नुपर्ने बताए । ‘सरकारी भवन खाली गराउने मन्त्रालय नसर्ने कुरा सुहाउँदैन । तत्काल सर्नुपर्छ । ढिलाइ गर्न हुँदैन,’ सांसद श्रेष्ठले भने ।
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...