जिल्ला अदालत मोरङले ३३ किलो सुन तस्करी र मोरङ उर्लाबारीका सनम शाक्य हत्या प्रकरणका अभियुक्त हरिशरण खड्कालाई पुर्पक्षका लागि थुनामा राख्न आदेश दिएको छ।

जिल्ला न्यायाधीश मेदिनीप्रसाद पौडेलको मंगलबारकाे इजलासले तत्काल प्राप्त प्रमाणका आधारमा पुर्पक्षका लागि थुनामा राखेर मुद्दाको अनुसन्धान अघि बढाउनआदेश दिएको हो। 

अदालतकाे आदेशसँग उनी कारागार चलान भएका छन्।

 पछिल्लो समयमा युएई बस्दै आएका उनी इन्टरपोलमा ‘रेडकर्नर नोटिस’ जारी भएका प्रतिवादी थिए। अध्यागमनका कर्मचारीले उनको पहिचान गरेपछि प्रहरीलाई खबर गरेका थिए। खड्का गत शनिबार पक्राउ परेका थिए।   

गोरे भनिने चूडामणि उप्रेतीको समूहले दुवईबाट २०७४ माघमा ल्याएको साढे ३३ किलो सुन विमानस्थलबाट बाहिर निकाल्ने क्रममा गायव पारिएको थियो।
 
तस्करीको सुन गायव भएपछि गोरे समूहले करेन्ट लगाउँदै यातना दिएर २०७४ फागुन १९ गते शाक्यको हत्या गरेपछि घटना बाहिर आएको थियो।  

सो सुनकाण्डमा ७७ जनाविरुद्ध मुद्दा चलाइएको छ ।