भारतमा कोरोना भाइरसविरुद्ध खोपको विकास गर्ने अध्ययन/अनुसन्धानकाे काम भइरहेको छ।

इन्डियन काउन्सिल अफ मेडिकल रिसर्चका महानिर्देशक बलराम भार्गवले कोरोनारविरुद्धका दुई खोपमा काम भइरहेको जनाएकाे बीबीसी हिन्दीले उल्लेख गरेकाे छ।

उनका अनुसार ती खोपलाई मुसा र खरायोमा गरिएको प्रयोग सफल भएको छ। यससँगै ड्रग्स कन्ट्रोल जेनरलले ती खोप मान्छेमा परीक्षण गर्न अनुमति दिएको छ।

भारत बायोटेक इन्टरनेशनल लिमिटेड र जायडस क्याडिला भारतमा कोरोनाको खोप बनाउने कोशिस गरिरहेका छन्।

बायोटेक इन्टरनेशनल लिमिटेडको खोपको नाम कोभ्याक्सिन हो।

दुबै कम्पनीले क्लिनिकल परीक्षणको स्थान तयार गरिसकेका छन्। अब एक/एक मान्छेमा खोपको परीक्षण गरिनेछ।