कोरोनाभाइरस (कोभिड–१९) को महामारी विश्वभर फैलिएपछि गण्डकी प्रदेश सरकारले यसविरुद्ध लड्न स्थापना गरेको कोरोना राहत कोषमा सहयोग आउने क्रम जारी छ । 

यसैक्रममा सूर्य नेपाल प्रालिले एक करोड रुपैयाँ सहयोग गरेको छ । 

कम्पनीका वाणिज्य प्रमुख गौतम यादवले एक करोड बराबरको चेक रकम प्रदेशका मुख्यमन्त्री पृथ्वीसुब्बा गुरुङलाई हस्तान्तरण गरेका छन् ।

सामाजिक उत्तरदायित्वस्वरूप सो रकम सहयोग गरिएको यादवले बताए ।

सो अवसरमा मुख्यमन्त्री गुरुङले उक्त सहयोगप्रति आभार व्यक्त गरे ।