विश्व फूटबलको प्रतिष्ठित अवार्ड बालोन डि ओर यसपटक कसैलाई पनि नदिइने भएको छ ।

कोरोनाभाइरस (कोभिड- १९) ले फूटबलमा पुर्‍याएको अवरोधका कारण यसवर्ष कसैलाई पनि बालोन डि ओर नदिइने घोषणा फ्रान्स फूटबल म्यागेजिनले गरेको हो ।

सन् १९५६ यता बालोन डि ओर कसैलाई पनि नदिन लागिएको पहिलोपटक हो ।

सन् २०१९ मा बार्सिलोनाका स्टार लियोनल मेस्सीले उक्त अवार्ड पाएका थिए ।

मेस्सी बालोन डि ओरका कीर्तिमानी (६ पटकका) विजेता समेत हुन् ।