बाल गायक अग्रज भट्टराईको ‘मेरी आमा’ बोलको गीत सार्वजनिक

बाल गायक अग्रज भट्टराईको स्वरमा ‘मेरी आमा’ बोलको गीत सार्वजनिक भएको छ ।

गायक अग्रजको आधिकारिक यूट्युब च्यानलबाट सार्वजनिक भएको गीतमा आमाको महिमाबारे वर्णन गरिएको छ ।


Advertisement

गीतमा शब्द र संगीत शान्तिराम राईको छ भने संयोजन आगा लामाले गरेका छन् ।

यसअघिसमेत अग्रजको स्वरमा ‘सबै भन्छन्’ र ‘बादलमा बुट्टा’ बोलको गीत सार्वजनिक भएको थियो । ‘मेरी आमा’ गीत अग्रजको स्वर रहेको तेस्रो गीत हो ।


Advertisement

भट्टराई बहुप्रतिभाशाली बाल गायक हुन् । खोटाङको दिक्तेल रुपाकोट मझुवागढी नगरपालिका–४ का स्थायी बसोबास भएका बुवा मीन भट्टराई र आमा जुनु भट्टराईका सुपुत्र अग्रज हाल काँडाघारीस्थित अक्षरा स्कूलमा अध्ययनरत छन् ।

सानै उमेरदेखि संगीतमा रुची राख्ने अग्रज बहुप्रतिभाशाली साथै अध्ययनमा पनि उत्तिकै अब्बल छन् । उनी संगीतको आदर्श र प्रेरणाको स्रोत गुरु क्षितिज कुलुङलाई मान्छन् ।

हेर्नुहोस् भिडियो -  

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्