कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
साउन १२, २०७७
गएरातिदेखि अविरल झरी रोकिएको थिएन । तैपनि साउनको सोमबार भएकाले अञ्जु गुरुङले भगवान् शिवको पूजा आराधनाका लागि मन्दिर जाने निधो गरिन् ।
सबेरै उठेकी उनले आफ्ना २ साथीलाई पनि फोन गरिन् । साथीहरू उनको प्रस्तावमा सहमत हुँदै फेवाताल किनारको केदारेश्वर मन्दिर जाने भए ।
रेनकोट लगाएका उनीहरू स्कूटर चढेर अञ्जुको घर पोखरा मियाँ पाटन आए । त्यतिबेलासम्म ६ बजिसकेको थियो ।
अञ्जु पनि आफ्नो स्कूटर चढिन् । पोखरा १, गाईघाटस्थित सेदीनदी किनारबाट पवित्र जल उठाएर २ स्कूटरमा हुँइकिँदै २०/२२ वर्षका ३ युवतीहरू ७ बजेतिर केदारेश्वर मन्दिर पुगे । तर मन्दिरको मूल गेटमै ताला लगाइएको थियो ।
सुरक्षामा तैनाथ प्रहरीसमक्ष मन्दिर प्रवेशका लागि अनुनय गरे, तर कोरोना भाइरस संक्रमण जोखिमका कारण प्रवेश दिइएन । उनीहरू निराश बने ।
मन्दिरको बाहिरी गेट छेउमै धूपबत्ती बाले र, भगवान् शिवको नाममा जल चढाएर फर्किए ।
अञ्जु र उनका साथीहरूमात्रै हैन, यहाँ सोमबार बिहानभर झण्डै १ हजार जना जति श्रद्धालु भक्तजन निराश हुँदै फर्किएका छन् ।
वर्षाका कारण रुझ्दैभिज्दै जसोतसो मन्दिर गेट पुगेका उनीहरू यसरी फर्किन बाध्य भएका हुन् ।
पछिल्लो समय पोखराको केदारेश्वर मन्दिर बोलबमधामका रूपमा चर्चित छ । झण्डै २ दशकदेखि यहाँ बोलबम मेला लाग्छ । मन्दिरमा हजारौं मानिसहरू साउनका हरेक सोमबार भगवान् शिवको पूजाआजा गरी शिवलिङ्गमा जल चढाउन आउँछन् ।
यसपालि भने सो हुल छेकिन गएको हो । तैपनि मानिसहरू लकडाउन हटिसकेको अवस्थामा कोरोना संक्रमण जोखिम कम हुँदै गएको अनुमान गर्दै मन्दिर प्रवेश पाइन्छ कि भनी आउन छाड्दैनन् ।
यसबारेमा केदारेश्वर महादेवमणि सेवाश्रम समितिले पनि आधिकारिक सूचना जारी गरिसकेको छैन ।
सरकारले भने कोरोना जोखिम भन्दै मठमन्दिरहरूमा गत चैत ११ देखि लगाएको भीडभाड तथा पूजाआजा खुला गरेको छैन ।
मन्दिरमा अघिल्लो साता साउन पहिलो सोमबार भने केही संख्यामा भक्तजन मन्दिर प्रवेश गरी फर्केका थिए ।
केही घण्टाको लागि खुला गरिएको पूजाआजा यो साता भने प्रशासन आफैंले मन्दिर व्यवस्थापन समितिका नाममा सूचना टाँस गरी प्रवेशमा रोक लगाएको हो ।
भक्तजनले मन्दिर जान अटेर गरेपछि प्रहरीले केहीलाई त लाठीचार्ज गरेर धपाएको थियो ।
मन्दिर व्यवस्थापन समिति सचिव खिमबहादुर पहारीले सामाजिक दूरी कायम गरी पूजाआजामा छुट गर्नुपर्ने माग गर्दछन् । मन्दिरकै लागि भनी टाढाटाढाबाट भक्तजन आउने हुँदा यहाँ आएर गेटबाट फर्काउन नहुने उनको तर्क छ । आफूहरूलाई विना जानकारी प्रशासन आफैँले आएर मन्दिरको नाममा सूचना टाँस गरेको उनले बताए ।
मन्दिरमै भेटिएका विश्व हिन्दू महासंघ कास्कीका पूर्व सल्लाहकार विष्णुबहादुर राजभाटले धार्मिक आस्थाको केन्द्र केदारेश्वरको गेटबाट प्रशासनले भक्तजन फर्काउन नहुने बताए । ‘रोक लगाउनु नै अर्थपूर्ण हैन, प्रहरी प्रशासन र स्वयंसेवकको सहयोगमा आवश्यक दूरी कायम गरी पूजाआजा खुला गरिनुपर्छ,’ उनले भने ।
‘बोलबमको ध्वनीले, शान्ति पाऊन् साराले’ भन्ने मूलमन्त्रका साथ विगत वर्षमा सेती किनार गाईघाटबाट भक्तजन बाजागाजाका साथ जल चढाउन मन्दिर पुग्ने गर्दथे ।
हरेक वर्ष बोलबम संयोजक रही कार्य गरेका शंकर खरालले गाईघाटमा १०८ धारामा स्नान, ८ किमी पैदलयात्रासहित केदारेश्वर मन्दिरमा १०८ शिवलिङ्गमा जलार्पण गर्न पाइने ८ संयोगका कारण केदारेश्वर चर्चित बन्दै गएको बताए ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...