चीनको जियाङ्सु प्रान्तमा निर्माण क्षेत्रका एक मजदूर दुर्घटनामा परेपछि उनको शरीरको दुई ठाउँमा स्टीलको रड पसेको छ । 

एउटा रड उनको घाँटीमा पसेको थियो भने अर्कोले उनको छाती छेडेको थियो । निर्माणाधीन भवनमा उनी माथिबाट रडमा खसेका थिए ।
 

दुईटै रडले महत्त्वपूर्ण अंग र रक्तनली नछोएकाले उनी बाँच्न सफल भएको उद्धारकर्ताहरूले बताए ।

घटना रुगाओस्थित निर्माणाधीन भवनमा जुलाई २७ मा बिहान साढे ७ बजे भएको थियो । 
 

उद्धारकहरू घटनास्थलमा आइपुग्दा ती मजदूरलाई दुईवटा रडमा उनिएको अवस्थमा फेला पारेका थिए । 

नाम नखुलाइएका ती मजदूर भवनको मुन्तिर खसेका थिए । 
 

उद्धारकहरूले गम्भीर घाइते भएका ती मानिसलाई धातु काट्ने साधन लिएर उद्धार गरेका थिए । 

दुर्घटनाको एक घन्टापछि उनीहरूले मजदूरलाई भुइँमा ल्याउन सफल भएका थिए ।