१३ बर्षीया बालिकाको फोटो प्रयोग गरी फेक फेसबूक आइडी बनाई अश्लिल फोटो अपलोड गर्ने सविन राज मिश्रलाई प्रहरीले पक्राउ गरेको छ । 

साइबर ब्यूरोको टोलीले तनहुँ भानु नगरपालका–८ घर भई काठमाडौं बालाजु बस्दै आएका ३८ बर्षका सविन राज मिश्रलाई विहीबार पक्राउ गरेको साइबर ब्यूरोका सह–निर्देशक वरिष्ठ प्रहरी उपरीक्षक (एसएसपी) नविन्द्र अर्यालले जानकारी दिए । 

१३ बर्षीया बालिकाको फोटो प्रयोग  गरेको सामाजिक सञ्जाल फेसबुकमा नग्न तस्विर र अश्लिल शब्द प्रयोग गरेर बालिकाकी दिदी र आफन्तलाई पठाउने गरेका उनलाई आफन्तको उजुरीका आधारमा पक्राउ गरेको ब्यूरोले जनाएको छ । 
पक्राउ परेका मिश्रलाई जिल्ला अदालतका काठमाडौंबाट ७ दिनको म्याद थप भई अनुसन्धान भइरहेको ब्यूरोले जनाएको छ । 

मिश्र यसभन्दा अगाडी पनि २०७६ मंसिर २४ गते विद्युतीय कारोवार ऐन–२०६३ अन्तरगत जिल्ला अदालत काठमाडौंबाट १ लाख धरौटीमा छुटेका थिए ।