कोरोनाभाइरस (कोभिड– १९) संक्रमण बढ्दै गएपछि सरकारले होटल तथा रेस्टुरेन्ट पूर्णरूपमा बन्द गर्ने तयारी गरेको छ ।

स्वास्थ्य तथा जनसंख्या मन्त्रालयले होटल तथा रेस्टुरेन्ट बन्द गर्नका लागि मन्त्रिपरिषद्‍मा प्रस्ताव लगेको मन्त्रालय स्रोतले लोकान्तरलाई जानकारी दियो ।

मन्त्रिपरिषद्को नियमित बैठक प्रधानमन्त्री निवास बालुवाटारमा अहिले बसिरहेको छ ।

पछिल्लो २४ घण्टामा नेपालमा ४ सय १८ जनामा संक्रमण पुष्टि भएको छ । संक्रमितको कुल संख्या २० हजार ७ सय ५० पुगेको छ ।

काठमाडौं उपत्यकामा मात्र ५१ जनामा संक्रमण पुष्टि भएको स्वास्थ्य मन्त्रालयले सोमवार आयोजित नियमित पत्रकार सम्मेलनमा जानकारी दिएको छ । 

पछिल्लो समय होटल तथा रेस्टुरेन्टमा भीडभाड बढेपछि संक्रमणको जोखिम उच्च बनेको थियो ।