अख्तियार दुरुपयोग अनुसन्धान आयोगले बाँके राष्ट्रिय निकुञ्जका दुई कर्मचारीलाई पक्राउ गरेको छ।

अख्तियारले बाँके निकुञ्जका प्रमुख संरक्षण अधिकृत प्रमोद भट्टराई र सहायक संरक्षण अधिकृत विष्णु रोकायलाई स्रोत नखुलेको रकमसहित रुपन्देहीबाट पक्राउ गरेको हो।

कार्यालयको बा २ झ १८७३ नम्बरको गाडीमा यात्रा गरिरहेक उनीहरुलाई पक्राउ गरिएको आयोगका प्रवक्ता तारानाथ अधिकारीले जानकारी दिए।

स्रोत नखुलेको रकम तीन लाख ४८ हजार र विभिन्न मितिको बैंक भौचर पाँच लाख ५० हजार गरी कूल जम्मा आठ  लाख ९८ हजार रुपन्देहीको सैनामैना नगरपालिका–१० बाट नियन्त्रणमा लिई अनुसन्धान भइरहेको प्रवक्ता अधिकारीले बताए।