नेपालसँग भगवान रामको आत्मीय सम्बन्ध रहेको भन्ने भारतीय प्रधानमन्त्री नरेन्द्र मोदीको अभिव्यक्तिलाई लिएर भारतका लागि नेपालका राजदूत नीलाम्बर आचार्यले सामाजिक सञ्जाल ट्वीटरमा सन्देश लेखेका छन् ।

बुधवार अयोध्यामा राममन्दिरको भूमिपूजन समारोहमा मोदीले नेपालसँग रामको आत्मीय सम्बन्ध माता जानकीले जोडेको बताएका थिए ।

'नेपाल का राम से आत्मीय सम्बन्ध माता जानकी से जुडा है ।" - अयोध्यामा राममन्दिरको शीलान्यासमा भारतका प्रधानमन्त्री नरेन्द्र मोदी,' राजदूत आचार्यले ट्वीटरमा लेखेका छन्, ‘राम–सीतासित जोडिएको दुई देशको निकटता गहिरो र बलियो छ । यी सम्बन्धलाई आधुनिक समयअनुरूप बढ्दो सहयोगात्मक र सुदृढ बनाउन राम-जानकीले प्रेरणा दिइरहुन् ।’

हेर्नुहोस्, ट्वीट:

" नेपाल का राम से आत्मीय संबंध माता जानकी से जुडा है।"
- अयोध्यामा राममंदिरको शीलान्यासमा भारतका प्रधानमंत्री नरेन्द्र मोदी।
राम-सीतासित जोडिएको दुई देशको निकटता गहिरो र बलियो छ। यी संबंधलाई आधुनिक समयअनुरूप बढ्दो सहयोगात्मक र सुदृढ बनाउन राम-जानकीले प्रेरणा दिइरहुन्।
शुभ होस्।

— Nilamber Acharya (@nilacharya) August 5, 2020