चिनियाँ सामाजिक सञ्जाल याप टिकटक बेच्नका लागि बाध्य पार्ने वाशिङटनको नीति स्वीकार नगर्ने बेइजिङले बताएको छ । यस्तो ‘चोरी’ को आफूले प्रतिरोध गर्ने उसको भनाइ छ । 
 

मायामी हर्बर्ट बिजनेस स्कूलका डीन जोन क्वेल्चले आरटीसँग कुराकानी गर्दै भने, ‘अमेरिकामा चिनियाँ लगानी ५ देखि ५ अर्ब डलर मात्र छ तर चीनमा अमेरिकाको लगानी लगभग १२० अर्ब डलर छ । त्यसैले बेइजिङले प्रतिरोध गर्ने स्थिति आयो भने चीनमा भएका विशाल अमेरिकी लगानीहरूलाई जफत गर्न सक्ने सम्भावना रहन्छ ।’
 

क्वेल्चले अमेरिका र चीनबीचको सम्बन्ध बहुपक्षीय रूपमा खराब हुँदै गएको र नोभेम्बरसम्म यस्तै स्थिति रहने बताए । 
‘

राष्ट्रपति डोनल्ड ट्रम्पले दोस्रो कार्यकाल सुरक्षित गर्ने हो भने रोनल्ड रगनले सोभियत संघलाई जे गरेका थिए, चीनलाई त्यसै गर्ने लक्ष्य लिन सक्छन्,’ उनले भने । 

‘तर यो परिस्थिति निकै कठोर हुन सक्नेछ । यसरी सम्बन्ध बिग्रँदै जाने हो भने संसारको सबभन्दा महत्त्वपूर्ण द्विपक्षीय सम्बन्धले कस्तो परिणाम भोग्नुपर्ने हो भन्ने विषयमा ट्रम्प नर्भस देखिएका छन् ।’