‘भदौ १ बाट अन्तर्राष्ट्रिय उडान र लामो दूरीका यातायात खोल्ने परिस्थिति बनिसकेको छैन’

सरकारले भदौ १ गतेदेखि अन्तर्राष्ट्रिय हवाइ उडान र लामो दूरीका यातायात खोल्ने परिस्थिति बनिनसकेको जनाएको छ ।

केही दिनमा सीसीएमसीको बैठक बसेर यसबारे निर्णय लिइने सरकारका प्रवक्ता एवं सूचना तथा सञ्चार मन्त्री डा. युवराज खतिवडाले जानकारी दिए । 


Advertisement

साउन १९ गते बसेको मन्त्रिपरिषद् बैठकका निर्णय सार्वजनिक गर्न बिहीवार मन्त्रालयमा आयोजित पत्रकार सम्मेलनमा प्रवक्ता खतिवडाले अहिले नै लामो दूरीका यातायात, स्कूल र अन्तर्राष्ट्रिय हवाइ उडान खोल्ने अवस्था बनिनसकेको बताएका हुन् । 

‘जोखिम बढ्दैछ, त्यसकारण अहिले सार्वजनिक यातायात, अन्तर्राष्ट्रियतर्फ अतिआवश्यक बाहेक उडान नगरौं, आन्तरिक हवाइ सेवा सञ्चालन नगरौं भन्ने पनि आइरहेको छ । तर केही न्युनतम आवश्यकताका कुरा नगरे आर्थिक रूपमा श्वास फेर्न कठिन हुन्छ भन्ने कुरा आइराखेको छ,’ मन्त्री खतिवडाले भने, ‘हामी केही दिनभित्र सीसीएमसीको बैठक बसेर यी कुरालाई रिभ्यु गर्छौं तर अहिले जसरी जोखिम बढेको छ, यस्तोमा अति उदार भएर सार्वजनिक यातायात खोल्ने, स्कूल सञ्चालन गर्ने या उडानलाई सञ्चालन गर्ने परिस्थिति अहिले बनी नसकेजस्तो प्रारम्भिक पृष्ठपोषणबाट पनि गर्न सकिन्छ ।’


Advertisement

विदेशमा अलपत्र परेका नेपालीको उद्धारका लागि भने अन्तर्राष्ट्रिय उडान गर्न सकिने उनले बताए । 

शुरूमा एकदमै अलपत्र परेका नेपाली हजार भन्यौं, ५ हजार, १० हजार अलपत्र भनिएपनि ४५ हजार जतिको उद्धार भएको र अरू ४५ हजारभन्दा बढीको लिष्ट दूतावासमा रहेको उनले बताए । 

‘सरकारको सोच जो अलपत्र हुनुहुन्छ जसलाई उद्धार गर्नुपर्नेछ, उहाँहरूलाई ल्याउनुपर्नेछ, जो अलपत्र हुनुहुन्न उहाँहरूलाई अलि सहज भएपछि ल्याउने गरी हामीले छलफल गरिरहेका छौं,’ मन्त्री खतिवडाले भने । 

यसअघि गत साउन ५ गते बसेको मन्त्रिपरिषद् बैठकले भदौ १ देखि स्कूल, लामो दूरीका यातायात र अन्तर्राष्ट्रिय उड्न खोल्ने निर्णय गरेको थियो । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्