तस्करी नफापेपछि मुक्तकमैया र बादीले जोगाएको वनमा तोडफोड

लखन चाैधरी
लखन चाैधरी

लखन चौधरी लोकान्तरका लागि सुदूरपश्चिम प्रदेश प्रतिनिधि हुन् । 

अति विपन्न मुक्तकमैया र बादी सामुदायले संरक्षण गरी जोगाएको सामुदायिक वनभित्र तोडफोड भएको छ ।

कैलालीको लम्की चुहा नगरपालिका–३ बलचौरस्थित मुक्तकमैया सामुदायिक वन उपभोक्ता समूहको सुरक्षार्थ गरिएको तारबार उखेलेर फाल्नुका साथै कामै नलाग्ने गरी तोडफोड गरिएको हो ।


Advertisement

समूहका कोषाध्यक्ष दिपु चौधरीका अनुसार तारबार काटेर फाल्नुका साथै गाडिएको १ हजार बढी सिमेन्टको पोल नष्ट गरिएको छ ।

२०६५ पहिले सो वन अतिक्रमणको चपेटामा पर्नुका साथै गौचरणको रुपमा परिणत भएको थियो । भने नजिकै रहेको चुरे क्षेत्रबाट वहुमूल्य काठ तस्करी र वन्यजन्तुको चोरी शिकार हुँदै आएको थियो ।


Advertisement

तर त्यहाँस्थित मुक्तकमैया र बादी समुदायले संरक्षणमा जुटेपछि सो वनको मुहार फेरिएर हराभरा मात्रै भएन, चोरी शिकार समेत नियन्त्रणमा आएको कोषाध्यक्ष चौधरी बताउँछन् ।

तर चोरी शिकार गर्न नपाएपछि वन जोगाउन गरिएको संरचनामा तोडफोड गरिएको हुन सक्ने उनको भनाइ छ ।

उनले भने–‘हामीले जोगाएको वन सबैभन्दा राम्रो हुँदै आएको छ । तर राम्रो देख्नै नचाहने व्यक्तिहरुले सुनियोजित ढंगले तोडफोड गरेका छन् । पूरै आधुनिक अतिहारसहित आएको समूहले नै तोडफोड गरेका हुन् । यो घटना हाम्रो पसिना माथिको प्रहार हो ।’

साउन २० गते राती सो संरचना भत्काइएको जनाइएको छ ।

त्यस्तै, वन सरक्षणकर्मी पुष्कल बमले वन जोगाउन तयार गरिएको संरचना तोडफोडलाई गैरमानवीय क्रियाकलाप रहेको बताएका छन् । घटनामा संलग्न पक्षलाई कारवाहीको लागि सम्बन्धित निकाय संग माग गरेको बलमे बताए ।

त्यहाँ बसोबास गर्दै आएका मुक्तकमैया र बादी समुदायले २०६५ देखि वनको संरक्षण गर्दै आएका हुन् । भने ४५६ दशमलव १९ हेक्टर क्षेत्रफलमा फैलिएको सो वन २०७२ मा समूहमा हस्तान्तरण भएको हो ।

सो वन ३५० घरधुरी मुक्तकमैया र बाँकी वादी समुदाय गरी साढे ४ सय घरधुरीले संरक्षण गर्दै आएका छन् ।

 

लखन चाैधरी
लखन चाैधरी

लेखकबाट थप...

कमेन्ट गर्नुहोस्