राजमार्गमा पर्ने घर हटाउन मानिनन् मालिकले, बीचमा राखेर बनाइयो पुल (भिडियो)

चीनको ग्वान्जाउमा राजमार्गमा पर्ने सानो घरकी मालिक्नीले सरकारलाई घर बेच्न नमानेपछि त्यस घर बीचमा पारेर पुल बनाइएको छ । 

यस्ता घरलाई चीनमा दिङजिहु अर्थात् कीला घर भनी चिनिन्छ । बाटो बनाउनका लागि घर भत्काउने र त्यसबापत मुआब्जा लिन मालिकहरूले नमान्ने स्थितिलाई दिङजिहु भनिन्छ । 


Advertisement

स्थानीय सञ्चारमाध्यमले जारी गरेको भिडियो फूटेजमा उक्त घर हाइझुयोङ पुलका दुई भागको बीचमा रहेको देखिन्छ । 

यो एक तल्ले घर ४० वर्गमिटर क्षेत्रमा फैलिएको छ र चार लेनको ट्राफिक लिंकको बीचमा एउटा खाल्डोमा छ, क्वाङदोङ टीभी स्टेसनले खबर दियो । 


Advertisement

घर मालिक्नीको थर लियाङ हो । सरकारले आफूलाई गतिलो ठाउँमा घर नदिएकाले आफूले घर बेच्न नमानेको बताइन् ।

यसको परिणाम भोग्न आफू तयार रहेको र अरूले के भन्छन् भनी नसोच्ने उनले बताइन् । 
 

लियाङले सरकारलाई चारवटा अपार्टमेन्ट दिन भनेको तर सरकारले दुईवटा मात्र दिन मानेको सूत्रहरूले बताएका छन् । 
 

पीयर भिडियोसँगको अन्तर्वार्तामा उनले आफूलाई कब्रिस्तान नजिक घर दिइएकाले लिन नमानेको बताइन् । 

कीला घर अहिले चीनको सामाजिक सञ्जालमा भाइरल बनिरहेको छ । 
 

एजेन्सी
एजेन्सी

लेखकबाट थप...

कमेन्ट गर्नुहोस्