सशस्त्र प्रहरीका ९ जनामा कोरोना पुष्टि

महोत्तरीमा थप ९ सशस्त्र प्रहरीसहित १४ जनामा कोभिड–१९ सङ्क्रमण पुष्टि भएको छ। सशस्त्र प्रहरी बल, सीमा पोष्ट सम्सीमा कार्यरत ८ र बर्दिवास नगरपालिका–४ स्थित सशस्त्र प्रहरी बल, प्रदेश–२ छिन्नमस्ता बाहिनीका एकसहित ९ सशस्त्र प्रहरीमा कोभिड–१९ सङ्क्रमण पुष्टि भएको हो। 

यससँगै जिल्लामा अब कूल सङ्क्रमितको सङ्ख्या ८ सय ६८ पुगेको प्रदेश–२ स्वास्थ्य निर्देशनालयले शनिबार जनाएको छ । प्रदेश नं २ सरकारका आन्तरिक मामिला तथा कानूनमन्त्री ज्ञानेन्द्रकुमार यादवमा कोभिड–१९ सङ्क्रमण पुष्टि भएपछि उनको सम्पर्कमा रहेकाको स्वाब सङ्कलन गरी परीक्षण गरिएको छ । 


Advertisement

मन्त्री यादव सशस्त्र प्रहरी बल नेपाल प्रदेश नं २ छिन्नमस्ता बाहिनी कार्यालयले गत मङ्गलबार आयोजना गरेको कार्यक्रममा सहभागी थिए। त्यसलगत्तै बुधबार मन्त्री यादवमा सङ्क्रमण भएको पुष्टि भएको थियो। परीक्षण नतिजा नआउँदै सार्वजनिक कार्यक्रममा मन्त्री यादव सरिक भएपछि त्यस अवधिमा उनका सम्पर्कमा आएका अन्य व्यक्तिको जाँच गर्दा पाँच सर्वसाधारणलाई पनि पोजेटिभ देखिएको छ। 


Advertisement

कमेन्ट गर्नुहोस्