कोरोना उपचार : २० प्रतिशत बेड छुट्याउनुपर्ने

छापामा

कोरोना उपचार : २० प्रतिशत बेड छुट्याउनुपर्ने

साउन २७, २०७७

छापाबाट

सरकारले सम्पूर्ण अस्पतालमा रहेको २० प्रतिशत बेड कोरोना भाइरस (कोभिड–१९) उपचारका लागि छुट्याउनुपर्ने व्यवस्था गरेको छ । स्वास्थ्य तथा जनसङ्ख्या मन्त्रालयले निजी, सामुदायिक, सरकारी तथा गैरसरकारी अस्पताललाई २० प्रतिशत बेड कोरोना उपचारका लागि छुट्याउने व्यवस्था गरेको हो ।

मन्त्रालयका प्रवक्ता प्राडा जागेश्वर गौतमले २० प्रतिशत बेड छुट्याएर हब अस्पतालमार्फत स्वास्थ्य मन्त्रालयमा जानकारी गराउन निर्देशन दिइएको जानकारी दिनुभयो । कोरोना उपचारका लागि तोकिएका अस्पताल हब हुन् भने अन्य अस्पताल स्याटेलाइट हुन् ।

Advertisment

उपत्यका लगायत देशभर पुनः कोरोना सङ्क्रमितको सङ्ख्या बढेपछि सबै अस्पतालले २० प्रतिशत बेड छुट्याउन निर्देशन दिएको हो । स्वास्थ्य मन्त्रालयले हब र स्याटेलाइट अस्पतालका बिरामीलाई हब अस्पतालले व्यवस्थापन गर्नुपर्ने जनाएको छ ।

Advertisment

थपिए ३३८ सङ्क्रमित
नेपालमा पछिल्लो २४ घण्टामा थप ३३८ व्यक्तिमा कोरोना सङ्क्रमण पुष्टि भएको छ । तीमध्ये काठमाडौँ उपत्यकामा थप ४४ जनामा कोरोना देखिएको छ । प्रा. गौतमले काठमाडौँ ३६ जना, ललितपुरमा चार र भक्तपुरमा चार जनामा कोरोना पुष्टि भएको बताए । उहाँले राष्ट्रिय जनस्वास्थ्य प्रयोगशाला टेकुमा गरिएको पीसीआर परीक्षणमा काठमाडौँका १२ र ललितपुरका एक जनामा सङ्क्रमण देखिएको बताए । यस्तै टेकु अस्पताल प्रयोगशालामा काठमाडौँका छ जनामा कोरोना देखिएको छ । नेपाल प्रहरी अस्पतालमा काठमाडौँका आठ जना, ललितपुर र भक्तपुरका एक÷एक जनामा कोरोना पुष्टि भएको छ ।

डा. गौतमले स्टार अस्पताल सानेपा प्रयोगशालामा काठमाडौँका आठ जना, ललितपुरका दुई जना र भक्तपुरका तीन जनामा कोरोना देखिएको बताए । विधि प्रयोगशाला र ह्याम्स अस्पताल प्रयोगशालामा एक एक जनामा कोरोना सङ्क्रमण पुष्टि भएको छ । पछिल्लो २४ घण्टामा देशभरका ३७ वटा प्रयोगशालामा आठ हजार ४३२ जना व्यक्तिको पीसीआरबाट परीक्षण गर्दा ३३८ जना व्यक्तिमा सङ्क्रमण पुष्टि भएको हो । योसँगै नेपालमा कुल सङ्क्रमितको सङ्ख्या २३ हजार ३१० पुगेको छ भने सक्रिय सङ्क्रमितको सङ्ख्या छ हजार ७३८ रहेको छ ।

निको भए १६ हजार सङ्क्रमित
प्रवक्ता गौतमले सोमबार १४० जना उपचारपछि निको भएर डिस्चार्ज भएको जानकारी दिँदै नेपालमा कुल डिस्चार्ज हुनेको सङ्ख्या १६ हजार ४९३ पुगेको बताए । उहाँले हालसम्म चारवटा जिल्लामा पाँच सयभन्दा बढी सङ्क्रमित रहेको बताए। यस्तै सङ्क्रमित शून्य भएका जिल्ला छवटा र देशभरका क्वारेनटाइनमा १० हजार ७५९ जना रहेको जनाइएको छ । मन्त्रालयका अनुसार पछिल्लो २४ घण्टामा काठमाडौँका दुई जनासहित थप चार जना कोरोना सङ्क्रमितको मृत्यु भएको छ । गोरखापत्र दैनिकमा सरोज ढुङ्गेलले खबर लेखेका छन् ।

छापाबाट

कमेन्ट गर्नुहोस्

सम्बन्धित समाचार

छापामा

बालेनले व्यवस्था गरेको धरहराको पार्किङ जोखिमपूर्ण

माघ २२, २०८०

सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...

छापामा

रवि लामिछानेविरुद्ध अनुसन्धान सुरु

माघ २४, २०८०

कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...

छापामा

ललिता निवास प्रकरणमा यस्तो छ कैद, जरिवाना र जफतको सूची

फागुन ४, २०८०

ललिता निवास प्रकरणमा विशेष अदालतले बिहीबार फैसला गरेको छ । फैसला अनुसार ललिता निवासको हडपिएको जग्गा सरकारको नाममा आउने भएको छ। अदालतले त्यसमा दोषीहरुलाई कैद र जरिवानको फैसला पनि गरेको छ । ...

छापामा

जहाँ मदिरा र सूर्तिजन्य पदार्थ उद्योग खोल्न पाइँदैन

कात्तिक २३, २०७८

विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...

छापामा

प्रहरीमा जागिर छाड्नेको लर्को

माघ २५, २०८०

त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...

छापामा

कर्मचारीले अबदेखि तलबसँगै इन्धन खर्च पाउने

कात्तिक २४, २०८०

सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...

आलेख

उल्लासविहीन नयाँ वर्ष, चंगुलमा परेको लोकतन्त्र

बैशाख ६, २०८१

सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...

आलेख

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

आलेख

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

बैशाख १, २०८१

आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...