छाउगोठको आगोमा खसेकी महिलाको आधा शरीर जलेर घाइते

शेरबहादुर थापा
शेरबहादुर थापा

लोकान्तर संवाददाता थापा कर्णाली प्रदेशबाट रिपोर्टिङ गर्छन् ।

दैलेखको दुल्लुमा छाउगोठमा बसेकी महिला छारे रोगले आगोमा खसेर घाइते भएकी छन् ।

दुल्लु नगरपालिका–६ कुसाकोटकी वसन्ती विकको शरीरको बायाँ भाग जलेको छ । घाइते विकको कर्णाली प्रदेश अस्पताल कालागाउँ सुर्खेतमा निःशुल्क उपचार भइरहेको छ ।


Advertisement

छारे रोगका कारण आगोमा ढलेर घाइते भएका उनका छोरा रुपेन्द्र विकले जानकारी दिए । लोकान्तरसँग कुुरा गर्दै उनले गत असार ८ गते घटना भएको भए पनि गाउँमा झारफुक र जडिबुटी उपचार गर्दा घाउमा किरा परेपछि असार १६ गते कालागाउँ अस्पतालमा ल्याएको बताए ।

‘हामीले शुरूमा त्यहाँका निजी अस्पतालमा उपचार गर्न लगेका थियौं,’ रुपेन्द्रले भने, त्यहाँ निको हुने नदेखिएपछि सुर्खेतमा ल्याएका हौैं । यहाँका डाक्टर सा’पले निःशुल्क अपरेसन गरिदिनुभएको छ ।’


Advertisement

दलित परिवारको आर्थिक अवस्था अत्यन्तै नाजुक रहेको थाहा पाएपछि निःशुल्क उपचार गरिएको अस्पतालका निर्देशक डा. डम्बर खड्काले जानकारी दिए । डा. खड्काका अनुसार उनको अपरेसन सफल भइसकेको छ ।

शेरबहादुर थापा
शेरबहादुर थापा

लेखकबाट थप...

कमेन्ट गर्नुहोस्