कात्तिक २३, २०७८
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
गोंगबु चोकबाट उत्तरतर्फ नवज्योति मार्गमा आइतवार बिहान एउटा सुटकेस भेटियो । पार्किङ गरेर राखिएको ट्याक्सी र भ्यानको बीचमा थियो, सुटकेस । पानी परिरहेको थियो । सुटकेसबाट रगत बगिरहेकाले त्यसलाई कसैले खोल्ने आँट गरेनन् ।
त्यसलाई देख्ने स्थानीयले तत्कालै प्रहरीमा खबर गरे । एक जना प्रहरी आएर सुटकेस खोले । तर त्यसभित्रको दृश्य देखेर सबै आतंकित बन्न पुगे । त्यसमा टाउको र खुट्टा काटिएको मान्छेको शरीर थियो ।
ती प्रहरीले माथिल्लो निकायलाई खबर गरे । महानगरीय अपराध महाशाखा र काठमाडौं प्रहरी परिसरको टोली घटनास्थल पुग्यो । टोलीले सुटकेस बरामद भएको ठाउँमा सिल गरी अनुसन्धान शुरू गर्यो । तर प्रहरी सकसमा पर्यो । शरीरको घाँटीभन्दा मुनि र घुँडा माथिको भाग मात्रै छ ।
प्रहरीले छेउछाउमा खोजी गरे पनि टाउको र खुट्टा भेटिएन । अनुसन्धानमा तालिम प्राप्त कुकुर प्रयोग गरियो । कुकुरले सुँघेर प्रहरीलाई सुटकेस भएभन्दा २०० मिटर टाढा स्वर्गद्वारी मार्गमा पुर्यायो । नभन्दै त्यहाँ एउटा जेब्रा झोला फेला पर्यो । झोला खोलेर हेर्दा टाउको र खुट्टा भेटियो ।
आइतवार दिनभरको प्रयासपछि मृतकको पूरा शरीर भेटियो । तर शव कसको हो भन्ने पत्ता लागेन । प्रहरीले स्थानीय जनप्रतिनिधि र छरछिमेकसँग सोधीखोजी गर्यो । कसैले पहिचान गर्न सकेनन् । शव सनाखत नभएकाले प्रहरीले मृतकको तस्वीर सामाजिक सञ्जालमा सार्वजनिक गर्यो । मृतकका मामा पर्नेले सोमवार शवको सनाखत गरे ।
हत्या गरिएका व्यक्ति रहेछन्, कृष्णबहादुर बोहोरा । रोल्पा घर भएका उनी ८ महिनादेखि काठमाडौंकै एक होटलमा बस्दै आएका थिए । वैदेशिक रोजगारीमा गएर आएका उनले खास काम गर्ने गरेको देखिएन । उनी बस्ने होटलका मान्छे र अन्यसँगको सोधपुछबाट उनी कल्पना मुडभरी (पौडेल) को सम्पर्कमा रहेको खुल्यो ।
मुडभरी काठमाडौंमा फेला परिनन् । उनी चितवन पुगिसकेको पत्ता लाग्यो । चितवन प्रहरीको सहयोगमा पक्राउ गरी उनलाई सोमवार काठमाडौं ल्याइयो । उनको नवज्योति मार्गस्थित कोठामा खानतलासी गर्दा हत्या घटना त्यहीँ भएको पत्ता लाग्यो । अभियुक्त मुडभरीले पनि प्रहरीसमक्ष हत्यामा आफ्नो संलग्नता स्वीकार गरिन् । हत्याकाण्डको मुख्य योजनाकारका रूपमा मुडभरीलाई प्रहरीले मंगलवार सार्वजनिक गरेको छ । फेसबूकमा आफ्नो फेक आईडी बनाएर ब्ल्याकमेल गर्न थालेपछि आफूले हत्या गरेको बयान उनले दिएकी छन् ।
कसरी गरियो हत्या ?
बोहोरा र मुडभरीको चिनजान ३–४ वर्षअघि फेसबूकमार्फत भएको रहेछ । मुडभरीको डेरा गोंगबुको नवज्योति मार्गमा थियो । उनीहरूमा चिनजान भएपछि आउजाउ निरन्तरै थियो । मुडभरी १ छोरा र १ छोरीका साथमा बस्दै आएकी थिइन् ।
बोहोरा भने विदेश गएर आएका तर ८ महिनादेखि एक होटलमा बस्दै आएका थिए । लामो समयदेखि साथी भएकाले उनीहरूबीच नजिकको सम्बन्ध थियो । सँगै खानेबस्ने गरेका थिए ।
तर बोहोराले केही समयअघि मुडभरीको तस्वीर प्रयोग गरेर फेसबूकमा फेक आईडी बनाएछन् । त्यही नक्कली फेसबूकबाट बोहोराले गोप्य तस्बिर सार्वजनिक गर्ने धम्की दिने गरेको बयान मुडभरीले प्रहरीलाई दिएकी छन् । धम्क्याउने क्रम चलिरहेपछि त्यसबाट बच्ने उपायको खोजीमा लागेको अनुसन्धानले देखाएको छ ।
घटना भएको रात बोहोरा सधंैझै होटलबाट मुडभरीको कोठामा आए । उनले होटलबाट आउँदा बा७२प ५६४४ नम्बरको स्कुटर प्रयोग गरेका थिए । अरू बेलाजस्तै खानपिन चल्यो । मुडभरीका २ सन्तान भने अर्को कोठामा थिए ।
बोहोरालाई मुडभरीले दहीमा ५ गोली स्लिपिङ ट्याब्लेट खुवाएर बेहोस बनाइन् । बोहोरा बेहोेस भएपछि मुडभरीले उनको अण्डकोशमा हतौडाले हानिन् । यति गर्दा पनि बोहोरा नमरेको आशंका भयो । त्यसपछि उनले बोहोराको घाँटीमा सलले बेरेर थिचिन् । त्यसपछि मात्र उनलाई बोहोरा मरेको यकिन भयो ।
अब शव कहाँ फ्याँक्ने ? उनले शव काटेर फ्याँक्ने योजना बनाइन् । कोठामै भएको हतियारले पटक–पटक प्रहार गरी उनले टाउको र खुट्टा जेब्रा झोलामा र बाँकी भाग सुटकेसमा हालेको खुलेको छ । उनले शव फ्याँक्न १५ वर्षीया छोरीको सहयोग लिएकी थिइन् ।
शनिवार राति सुटकेसलाई बोराको नाम्लो लगाएर एक ठाउँमा र अर्को ठाउँमा करीब २०० मिटर दूरीमा फ्याँकेर कोठामा आएकी थिइन् ।
उनले माइत चितवन जाने योजना बनाइन् । एम्बुलेन्सलाई फोन गरिन् । संयोगवश एम्बुलेन्स बिरामी लिएर काठमाडौं आएको थियो । एम्बुलेन्स ड्राइभर चिनेको भएकाले उनलाई जान गाह्रो भएन । उनी आइतवार अपराह्न छोराछोरी लिएर काठमाडौंबाट भागेकी थिइन् । तर प्रहरीले उनलाई चितवनको कालिका नगरपालिकाबाट पक्राउ गर्यो ।
घटनाको मुख्य योजनाकार मुडभरी नै रहेको पुष्टि भएको काठमाडौं प्रहरी प्रमुख एसएसपी श्यामलाल ज्ञवालीले बताए । ‘हत्या गर्ने मुख्य योजनाकार कल्पना पक्राउ परिसकेकी छन्,’ एसएसपी ज्ञवालीले भने, ‘यसमा अन्यको संलग्नता भए/नभएको थप अनुसन्धान भइरहेको छ ।’
प्रारम्भिक अनुसन्धानबाट मुडभरी नै दोषी भएको प्रमाण भेटिएकाले उनलाई फौजदारी संहिताअनुसार अदालतमा पेश गरिने महानगरीय अपराध महाशाखा प्रमुख एसएसपी दीपक थापाले बताए । काठमाडौं जिल्ला अदालतबाट ५ दिनको म्याद थप गरी प्रहरीले थप अनुसन्धान थालेको छ । अभियुक्तलाई महानगरीय प्रहरी परिसर टेकुको हिरासतमा राखिएको छ । अन्नपूर्ण पोस्ट दैनिकमा खबर छ ।
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...
नेपाल कम्युनिस्ट पार्टी (माओवादी केन्द्र) सँग एकता गर्न नेपाल समाजवादी पार्टीका अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...
चालुु आर्थिक वर्ष २०८०/८१ मा नेपाली श्रमिकका लागि मलेसियाको रोजगारी घटेको छ । गत आव २०७९/८० मा पहिलो श्रम गन्तव्य देश बनेको मलेसिया चालुु आवमा क्रमशः घटेर तेस्रो र चौथो ...
बुटवल, १५ फागुन- भैरहवास्थित गौतम बुद्ध अन्तर्राष्ट्रिय विमानस्थलमा ३५ जना चिनियाँसहित २ सय मजदुर काम गरिरहेका छन् । केही निर्माण उपकरण र मेसिनरी यन्त्र थपिएका छन् । द्रुतगतिमा कच्चा पदार्थ संकलन भएको छ । च...
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...