सुकुम्वासीका नाममा हुकुम्वासी बनेका नेता मल्ल नेकपाबाट निस्कासित

प्रकाश आचार्य
प्रकाश आचार्य

लोकान्तर संवाददाता आचार्य प्रदेश नम्बर ५ बाट रिपोर्टिङ गर्छन् ।

नेपाल कम्युनिस्ट पार्टी (नेकपा) बुटवल उपमहानगर कमिटीले पार्टी सदस्य जीतबहादुर मल्ललाई सांगठनिक सदस्य समेत नरहने गरी कारवाही गरेको छ । 

नगर कमिटी सदस्य मल्लले पार्टीको हितविपरीत काम, विरोधीसँग उठबस, पार्टीको अनुशासन उल्लंघन गरेकाले पार्टीबाट निस्कासन गरिएको नेकपा नगर कमिटी अध्यक्ष बाबुराम पन्थीले जानकारी दिए ।


Advertisement

पन्थीद्वारा जारी विज्ञप्तिमा नगर कमिटी सचिवालय सदस्य मल्लले पार्टी विधान विपरीत गम्भीर प्रकृतिको अनुशासन उल्लंघनको क्रियाकलाप गरेकाले कारवाही गरिएको जनाइएको छ । 

मल्लमाथि नक्कली सर्वदलीय संयन्त्र बनाएर वर्षौंदेखि सार्वजनिक जग्गा अतिक्रमण गर्ने, ठगी गर्ने, विभिन्न संघ–संस्थामा अनियमितता गर्ने गरेको आरोप छ । 


Advertisement

मल्ल सुकुम्वासीका हुकुम्वासी नेताका रूपमा बुटवल–११ मा चिनिन्थे । बुटवल– ११ धेरै सुकुम्वासी रहेको वडा हो ।

मल्लमाथि  विभिन्न टोलका नेता र अगुवालाई समेत प्रलोभनमा पारेर, प्रभावित गराएर नदी तटका सार्वजनिक जग्गा हडप्ने गरेको आरोप छ । 

यसबारे मल्लसँग सम्पर्क गर्न खोज्दा उनीसँग सम्पर्क गर्न सकिएन । 

हेर्नुहोस्, विज्ञप्ति :
 

प्रकाश आचार्य
प्रकाश आचार्य

लेखकबाट थप...

कमेन्ट गर्नुहोस्