मंसिर २५, २०८०
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
बेलायतको राजधानी लन्डन बस्दै आएका शिव भण्डारी जागिरविहीन भएको झन्डै ६ महिना पुग्यो । फुलटाइम काम गरिरहँदा पारिवारिक बाध्यताले जागिर छोडेका उनी लगत्तै कोभिड–१९ को चपेटामा परे ।
कोभिड अनि लकडाउनका कारण धेरै कम्पनी बन्द भए, अस्तित्वमा रहेका कम्पनीले पनि कामदार निकाल्न थाले । परिणामत भण्डारीले पनि चाहेजस्तो काम पाइरहेका छैनन् । ‘अनुकूल समय र राम्रो तलब आउने काम खोज्दा खोज्दै यति समय बित्यो । अझै कामको टुंगो छैन,’ उनले भने, ‘परिस्थिति थप जटिल बन्दै छ ।’
कोभिड–१९ को महामारीअघिसम्म नेपाली विद्यार्थी विकास सिंह लन्डनको एक होटलमा पार्टटाइम काम गरिरहेका थिए । तर लकडाउनपछि ग्राहक अभावमा होटलमा ताला लाग्यो । अप्रिल पहिलो साताबाट जागिर गुमाएका उनी अर्को कामका लागि भौंतारिरहेका छन् । ‘बाँच्नै गाह्रो भइसक्यो । विद्यार्थी भनेपछि कसैले राख्दैनन्,’ उनको गुनासो छ, ‘नेपाल जाऊँ भने पनि कोभिडको त्रास झन् बढेको छ । बसौं बेलायतमा काम पाउनै मुस्किल भयो ।’
महामारीका कारण कैयौं कम्पनी बन्द भएपछि बेलायतमा गएको एक दशकयताकै सबैभन्दा धेरै बेरोजगारी बढेको आधिकारिक तथ्यांकहरूले देखाएका छन् । गत अप्रिलदेखि जुनसम्ममा २ लाख २० हजार मानिस बेरोजगार भएका ब्रिटेनको अफिस अफ नेसनल स्टाटिस्टिक्स (ओएनएस) ले जनाएको छ ।
सन् २००९ मा विश्वव्यापी वित्तीय संकटयता एक त्रैमासिकमा यति धेरै मानिस बेरोजगार भएको यो नै सबैभन्दा ठूलो संख्या हो । यो तथ्यांकमा जागिर नगुमाए पनि घरमै बस्न भनिएका (फर्लो स्किम), जिरो आवर सम्झौतामा भएका वा अस्थायी रूपमा बेतलबी बिदामा रहेका मानिसलाई समेटिएको छैन ।
भाइरसको महामारी सुरु भएसँगै गरिएको लकडाउनको अवधिमा कुल ७ लाख ३० हजार जनाले रोजगारी गुमाएका हुन् । ओएनएसका अनुसार पछिल्लो एक महिनामा मात्रै रोजगारी (पेरोल) मा रहने मानिसको संख्या ८१ हजारले घटेको छ ।
लन्डनस्थित नेपाली दूतावासका प्रवक्ता एवं उपनियोग प्रमुख शरदराज आरन महामारीको चपेटामा नेपाली पनि परेको बताउँछन् । बेलायतमा बस्ने करिब २ लाख नेपालीमध्ये काम गर्ने उमेर समूहका करिब ३० प्रतिशत छन् । उनका अनुसार तीमध्ये झन्डै ६ प्रतिशत अर्थात् ३ हजार ६ सय प्रभावित भएको उनको अनुमान छ । ‘धेरैजसो नेपाली सेक्युरिटी, हस्पिटल वा केयर होममा काम गर्ने हुँदा त्यहाँ जनशक्ति सधैं खाँचो हुन्छ । त्यसैले अरू समुदायभन्दा कम प्रभावित भएको मेरो बुझाइ छ,’ उनले भने ।
लकडाउनका बेला व्यवसाय टिकाइराख्न र बेरोजगारी बढ्न नदिन बेलायत सरकारले विभिन्न आर्थिक सहायता प्याकेज, भ्याट कटौती, ऋण सहुलियत गरी ४० बिलियन पाउन्डभन्दा बढी उपलब्ध गराए पनि बेरोजगारी दरमा भने कुनै कमी आउन सकेको छैन ।
ओएनएसको तथ्यांकले रोजगारीमा नरहेर वा आम्दानी घटेर सरकारी भत्ताका लागि आवेदन गर्नेको संख्यासमेत उल्लेख्य बढेको देखाएको छ जसमा गत मार्चदेखि जुलाईसम्मको अवधिमा १ सय १७ प्रतिशतले बढेर २७ लाख पुगेको छ । रेस्टुरेन्ट, रिटेलरदेखि अन्य कैयौं व्यवसायले गत जुनमा मात्र १ लाख ४० हजार कामदार निकाल्ने घोषणा गरेका थिए ।
लन्डनमा ८ वटा टेक अवे रेस्टुराँ सञ्चालन गरिरहेका व्यवसायी कुल आचार्य सरकारले साना व्यवसायलाई ठूलो आर्थिक राहत दिए पनि मन्दी सामना गर्नुपरेको बताउँछन् । ‘मेरो आफ्नै व्यवसायमा त असर परिसकेको छैन किनभने टेक अवेभन्दा सिटिङ रेस्टुराँ बढी मारमा परेको अवस्था हो । तर, समग्र नेपाली व्यवसाय संकट उन्मुख हुँदै छन् ।’
वर्तमान परिस्थितिका कारण कर्मचारी केही कटौती गर्नुपरेको उनले बताए । सरकारको ग्रान्ट, भ्याट कटौती, ऋण सहुलियत र ‘इट आउट टु हेल्प आउट’ जस्ता स्किमले साना व्यवसाय झन् नाफामा भएको पनि आचार्यको बुझाइ छ ।
बेलायत सरकारले कोभिड–१९ महामारीका बेला संकटग्रस्त रेस्टुरेन्ट क्षेत्र उकास्ने उद्देश्यले अगस्ट १ देखि ५० प्रतिशत छुट दिने स्किम ‘इट आउट टु हेल्प आउट’ कार्यान्वयनमा ल्याएको छ ।
जसअनुसार अब अगस्ट महिनाभर हरेक साता सोमबारदेखि बुधबारसम्म रेस्टुरेन्ट, पब तथा क्याफेहरूमा ‘इट इन’ गर्दा ग्राहकले ५० प्रतिशत छुट प्राप्त गर्नेछन् । यो स्किमका लागि बेलायतभर ८३ हजारभन्दा बढी रेस्टुरेन्टले नाम दर्ता गरेका छन् । गत ९ अगस्टसम्म १ करोड ५ लाख बढीले उक्त स्किम दाबी गरेको जनाइएको छ ।
यसैबीच, कोभिड–१९ महामारीका कारण बेलायती अर्थतन्त्रमा ११ वर्षपछि पहिलोपटक मन्दी छाएको जनाइएको छ । लकडाउनका कारण बेलायती अर्थतन्त्र दोस्रो चौमासिक अवधिमा २०.४ प्रतिशतले खुम्चिएको हो ।
ओएनएसका अनुसार यस वर्षको पहिलो तीन महिनामा अघिल्लो वर्षको सोही अवधिको तुलनामा महिनैपिच्छे २.२ प्रतिशतका दरले अर्थतन्त्र खुम्चिएको छ । जर्मनी, फ्रान्सलगायत युरोपेली मुलुक तथा अमेरिकाको तुलनामा बेलायतको अर्थतन्त्रमा बढी संकुचन देखिएको हो ।
तर लकडाउन खुकुलो पारिएसँगै जुन महिनामा अर्थतन्त्रमा केही सुधार देखिएको जनाइएको छ । ओएनएसका अनुसार जुन महिनामा बेलायती अर्थतन्त्र ८.७ प्रतिशतले वृद्धि भएको छ । बेलायतका पसलहरू खुलेका, कारखानामा उत्पादन हुन थालेको तथा घर निर्माणका कार्यहरू पुनः सुचारु भइसकेका छन् । हाल बन्द रहेका अन्य व्यवसाय खुला भएसँगै अर्थतन्त्रमा थप सुधार आउने अपेक्षा गरिएको छ । कान्तिपुर दैनिकमा नवीन पोखरेलले खबर लेखेका छन् ।
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
ललिता निवास प्रकरणमा विशेष अदालतले बिहीबार फैसला गरेको छ । फैसला अनुसार ललिता निवासको हडपिएको जग्गा सरकारको नाममा आउने भएको छ। अदालतले त्यसमा दोषीहरुलाई कैद र जरिवानको फैसला पनि गरेको छ । ...
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...
नेपाल कम्युनिस्ट पार्टी (माओवादी केन्द्र) सँग एकता गर्न नेपाल समाजवादी पार्टीका अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...