स्थानीय प्रशासनले लगाएको निषेधाज्ञा अवज्ञा गर्दै स्थानीयले मछिन्द्रनाथको रथ तान्न थालेपछि ललितपुरको पुल्चोकमा प्रहरीसँग झडप भएको छ ।

पुल्चोकमा रहेको मछिन्द्रनाथको रथ तान्न बिहीवार स्थानीय भेला भएका थिए । स्थानीय प्रशासनको अनुमतिविना सर्वसाधारणले रथ तान्न थालेपछि प्रहरीसँग झडप भएको हो ।

झडपका क्रममा प्रहरीले केही सेल अश्रु ग्याससमेत प्रहार गरेको छ । यसअघि असार अन्तिम साता रथ तान्ने साइत निकालिएको भएपनि कोरोना संक्रमणको त्रासका कारण प्रशासनले अनुमति दिएको थिएन ।

कोरोना संकटका कारण यसवर्ष काठमाडौं उपत्यकाका जात्रा प्रभावित भएका छन् । मंगलवार मात्र उपत्यकाको पुरानो इन्द्रजात्रा प्रभावित भएको थियो । 

हेर्नुहोस्, भिडियो :

फोटोहरू :