कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भदौ २६, २०७७
कोरोनाभाइरस (कोभिड– १९) को संक्रमण रोक्न भन्दै सरकारले २०७६ चैत ११ गतेदेखि बन्दाबन्दी (लकडाउन) जारी गरेको थियो ।
२०७७ साउन ७ गतेदेखि केही खुकुलो बनेको लकडाउन भदौको पहिलो सातासम्म आइपुग्दा राजधानी काठमाडौं उपत्यकासहित करीब ५० जिल्लामा पूर्ण वा आंशिक निषेधाज्ञाका रूपमा फर्कियो ।
अहिले पनि देशका कतिपय जिल्लामा निषेधाज्ञा छ भने कतिपय जिल्लामा केही खुकुलो छ । विगत ६ महिनादेखिको बन्दले गर्दा ज्याला मजदुरी गरेर खाने धेरैजसो मजदुरहरू प्रत्यक्ष मारमा परे ।
यस्तै मध्येको एउटा क्षेत्र हो यातायात । ज्याला मजदुर सबैभन्दा धेरै भएको क्षेत्रको रूपमा यातायात क्षेत्रलाई लिइन्छ र नेपालीहरूको सबैभन्दा धेरै लगानी भएको क्षेत्रको रूपमा पनि लिइन्छ ।
कोरोनाभाइरसका कारणले सबैभन्दा धेरै असर पारेको क्षेत्र पनि यो नै हो । कोरोनाभाइरसका कारणले यस क्षेत्रका मजदुरहरू पलायन भएका छन् ।
सरकारले पछिल्लोपटक असोज १ को भाखा राखे पनि चल्न पाउने नपाउने निश्चित छैन । यस्ता भाखा पटक–पटक सरिसकेका छन् ।
काठमाडौंदेखि भैरहवासम्मको मिनीबस चालाउँदै आएका श्याम (नाम परिवर्तन) ड्राइभर अहिले नेपालटारको एक मासु पसलमा कामदार भएर मासु काट्दै आएका छन् ।
कोरोनाभाइरसका कारण गाडी ग्यारेजमा थन्किएपछि उनको कमाइ पनि बन्द भयो । २ छोराछोरी भएका श्यामले पहिले कमाइएको पैसाले ४ महिना त जसोतसो गुजारा गरे, त्यसपछि परिवारलाई खुवाउने चामल पनि नभएपछि मासु पसलमा काम गर्न थालेको उनी बताउँछन् ।
‘अलिकति बचत पनि सकियो, अब परिवार कसरी पाल्ने भन्ने चिन्ताले मासु पसलमा काम गर्न थालेको हुँ,’ उनले लोकान्तरसँग भने, ‘परिवारलाई भोकै मार्न त भएन !’
कोरोना कारणले सार्वजनिक यातायात बन्द भएपछि धेरै मजदुरको रोजीरोटी गुमेको छ ।
अर्कातर्फ निजी सवारी साधनले चर्को भाडा लिएर मानिसहरू ओसारपसार गर्ने गरेकाले यातायात व्यवसायीहरू जबरजस्ती भएपनि सार्वजनिक यातायात चलाउने तयारीमा जुटेका छन् ।
६ महिनाको बन्दका कारण यस क्षेत्रमा भएका मजदुर भोकभोकै मर्ने अवस्था आएकाले आफूहरूले जबरजस्ती भए पनि लामो दुरीका सवारी साधन चलाउन लागेको यातायात व्यवसायी महासंघका अध्यक्ष योगेन्द्र कर्माचार्यले बताए ।
‘हाम्रा मजदुर साथीहरू भोकै मर्ने अवस्था आएको छ, अब पनि लामो दुरीका सवारी साधन चलाउन नदिए आगामी असोज १ गतेबाट जबरजस्ती भएपनि चलाउने तयारीमा छौं,’ अध्यक्ष कर्माचार्यले लोकान्तरसँग भने ।
लामो समय हुँदासम्म पनि सबैभन्दा धेरै मजदुर रहेको यातायात क्षेत्रलाई सरकारले कुनै सम्बोधन नगर्दा यस क्षेत्रका मजदुरहरूको अवस्था कमजोर भएकाले आगामी असोजबाट लामो दुरीका सवारी साधनहरू चलाउन लागेको कर्माचार्यले बताए ।
यदि सरकारले यस क्षेत्रका मजदुरहरूलाई राहत र सवारी धनीहरूको बैंक ब्याज सरकारले मिनाहा गरिदिएको खण्डमा आफूहरूले सवारी नचलाउने अध्यक्ष कर्माचार्यको भनाइ छ ।
अन्य क्षेत्र कुनै न कुनै रूपमा खुलाइसक्दा पनि यातायात क्षेत्रलाई सरकारले उपेक्षा गरेको छ । स्वास्थ्य सावधानीका उपाय अपनाएर लामोदुरीका सवारी साधन चलाउन दिन अनुरोध गर्दा पनि सरकारले बेवास्ता गरेकाले आफूहरूले जबरजस्ती सवारी साधन चलाउन खोजेको अध्यक्ष कर्माचार्यको भनाइ छ ।
यस्तै निजी सवारी साधनहरूलाई मानिस बोक्न दिने तर सार्वजनिक यातायातलाई बेवास्ता गरेका कारणले आफूहरूले गाडी चलाउन लागेको पश्चिम नेपाल बस व्यवसायी प्रा. लि.का अध्यक्ष ददिराम खरेलले बताए ।
‘निजी सवारी साधनले निर्वाधरूपमा प्यासेन्जर ओसारेका छन् । हामीलाई भने किन उपेक्षा ?,’ अध्यक्ष खरेलले लोकान्तरसँग भने, ‘जुन प्रयोजनका लागि सवारी साधन निकालेको हो त्यही प्रयोजनका लागि चलाउनु पर्यो नि ! निजी प्रयोजनका लागि निकालेर यात्रु बोक्न पाइन्छ ?’
पछिल्लो समयमा निजी सावरी साधनले स्वास्थ्य मापदण्ड पनि नपनाई यात्रु ओसारपसार गर्ने तर यात्रु बोक्ने सवारी साधनलाई बन्दी बनाएका कारण आफूहरूले असोज १ गतेबाट लामोदूरीका सावरी साधन चलाउन माग गरेको अध्यक्ष खरेलले बताए ।
‘हामीले स्वास्थ्य मापदण्ड पालना गरेर आफ्ना बसहरू चलाउँछौं भनेका छौं । निजीलाई फूल सिट विना मापदण्ड चल्न दिने हामीलाई भने नदिने ? रातो प्लेटले यात्रु बोक्ने हामीलाई भने बन्दी बनाउने ?,’ अध्यक्ष खरेलले आक्रोश पोखे ।
कोरोनाभाइरसको संक्रमण फैलिन नदिन भन्दै सरकारले गएको चैत १ गतेबाट लामो दूरीका सवारी साधान सञ्चालनमा रोक लगाएको थियो ।
सञ्चालनको अनुमति दिन पनि मन्त्रिपरिषद्को निर्णय चाहिने गृहमन्त्रालयका प्रवक्ता चक्रबहादुर बुढा बताउँछन् । कसैले जबरजस्ती सवारी साधन चलाउन खोजे कारवाही गरिने उनले बताए ।
‘मन्त्रिपरिषद्को निर्णयले लामोदूरीको गाडी बन्द गरेको हो । खुलाउनका लागि पनि मन्त्रिपरिषद्कै निर्णय चाहिन्छ,’ प्रवक्ता बुढाले भने, ‘यदि कसैले जबरजस्ती गर्छ भने कानून बमोजिमको कारवाही हुन्छ ।’
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...