अफ्रिकी मुलुक युगान्डाको एक कारागारबाट २०० भन्दा बढी कैदीहरू पूर्ण नग्न भएर भागेका छन् । उनीहरूले जेलका गार्डलाई निस्तेज पार्दै टाढैबाट देखिने पहेंलो लुगा फ्याँकेर भागेका थिए । 

जेलबाट भागेर जंगलतिर पसेका कैदीको खोजी सुरक्षाकर्मीहरूले गरिरहेका छन् । 

उनीहरू भाग्ने क्रममा सुरक्षाकर्मीसँग भिडेको र त्यसक्रममा तीनजनाको मृत्यु भएको सेनाकी प्रवक्ता ब्रिगेडियर फ्लाभिया बाइक्वासोले बताइन् । एक सैनिक र दुई कैदी मारिएको जानकारी उनले दिइन् । 

यो नाटकीय घटना बुधवार बिहान मोरोटो जिल्लामा रहेको सैन्य ब्यारेक नजिक भएको थियो । 

‘उनीहरूले ड्युटीमा रहेका वार्डेनलाई जिते,’ बाइक्वासोले भनिन् । 

भागेका कैदीहरू क्रूर अपराधीहरू र उनीहरूलाई उक्त क्षेत्रमा गाईवस्तु चोरीको अपराधमा कैद गरिएको उनले जानकारी दिइन् । 
 

पहेंलो लुगा टाढैबाट देखिने हुनाले उनीहरूले त्यसलाई फालेर नांगै जंगलतिर दौडिएको उनले जानकारी दिइन् । 

उनीहरूको खोजी चलिरहेको र कपडाका लागि उनीहरूले स्थानीय घरहरूमा आक्रमण गर्न सक्ने पनि उनले बताइन् ।