कुलमानबारे सरकारका प्रवक्ताले भने–'उपयुक्त व्यक्तिलाई प्राधिकरणमा ल्याउँछौं'

परराष्ट्रमन्त्री तथा सरकारका प्रवक्ता प्रदीप ज्ञवालीले विद्युत प्राधिकरणमा कार्यक्षमताका आधारमा उपयुक्त व्यक्तिलाई चयन गरिने बताएका छन् । 

प्रेस संगठन नेपाल, रुपन्देहीले शुक्रबार बुटवलमा आयोजना गरेको पत्रकार भेटघाट कार्यक्रममा बोल्दै ज्ञवालीले भने, ‘प्राधिकरणका सन्दर्भमा आएका र रचिएका कथाहरूमा रमाउनु आवश्यक छैन ।


Advertisement

मुलुकको हित र कार्यक्षमताका आधारमा उपयुक्त निर्णय गरिनेछ । कुलमानजीको योग्यता र क्षमताको उचित मूल्यांकन हुनेछ ।’

मन्त्री ज्ञवालीले नेपाल सरकार राष्ट्रिय हित र नागरिकको भावनालाई केन्द्रमा राखेर अगाडि बढिरहेको बताए । 


Advertisement

कोरोना भाइरस नियन्त्रणका लागि जनताको सावधानी आवश्यक रहेको पनि उनले बताएका छन् । मन्त्री ज्ञवालीले कोरोना पराजित हुने बताए ।

जनताको साथ, सहयोग र समर्थनबाट कोरोना परास्त गर्न सकिनेमा विश्वस्त रहेको उनले बताए ।

‘सरकार के कुरामा विश्वस्त छ भने कोरोना मात्रै परास्त गर्ने कुरा होइन, मुलुकमा उत्पन्न हुन लागेको आर्थिक संकट र नागरिकको दैनिकीमा देखा परेको समस्याको समाधान नागरिकसँगको सहकार्यमा गरिनेछ,’ मन्त्री ज्ञवालीले भने ।  

ज्ञवालीले ‘बहुचर्चित र विवादित’ एमसीसी सम्झौता अनुमोदन हुने बताएका छन् । एमसीसीका विषयमा रहेका केही प्रश्नको उत्तर खोजेर एमसीसी अनुमोदन हुने ज्ञवालीले बताए ।

ज्ञवालीले भारतले अतिक्रमण गरेको नेपाली भूमि फिर्ता हुने विश्वास पनि व्यक्त गरे ।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्