कर्णालीमा थपिए ३५ जना कोरोना संक्रमित, कुल संख्या ३ हजार ६३ पुग्यो

शेरबहादुर थापा
शेरबहादुर थापा

लोकान्तर संवाददाता थापा कर्णाली प्रदेशबाट रिपोर्टिङ गर्छन् ।

कर्णालीमा कोरोना संक्रमण पुष्टि हुनेको संख्या ३ हजार ६३ पुगेको छ ।

सामाजिक विकास मन्त्रालय स्वास्थ्य सेवा महाशाखाका प्रमुख वृषबहादुर शाहीका अनुसार पछिल्लो चौबीस घण्टामा कोरोना संक्रमितको संख्या ३५ थपिएको छ, जसमा सुर्खेतका ६ जना, सल्यानका ६ जना,  रुकुम पश्चिमका २३ जना छन् ।


Advertisement

पछिल्लो २४ घण्टामा कोरोना निको भई डिस्चार्ज हुनेको संख्या १६ रहेको छ भने  कुल डिस्चार्ज हुनेको संख्या २ हजार ६ सय ४९ रहेको छ ।

कर्णालीका विभिन्न जिल्लामा ४०८ जना आइसोलेसनमा बसेर उपचार गराइरहेका छन् ।


Advertisement

सुर्खेत जिल्लामा मात्रै कोरोना पोजेटिभ भई आइसोलेसनमा बसेर उपचार गर्नेको संख्या २४६ रहेको छ, जसमा प्रदेश अस्पतालमा ५१ जना, वीरेन्द्रनगर आइसोलेसन सेन्टरमा सातजना, होम आइसोलेसनमा १५३ जना, वीरेन्द्रनगर होटल आइसोलेसनमा ८ जना, गुर्भाकोटमा ७ जना, भेरीगंगामा ५ जना,  बराहतामा एक जना र सिम्ता आइसोलेसनमा १४ जना उपचार गराइरहेका छन् ।

दैलेखमा २०  जना,  जाजरकोटमा ६ जना, सल्यानमा ४४ जना, रुकुम पश्चिममा ३२ जना र जुम्लामा ४ जना आइसोलेसनमा बसेर उपचार गराइरहेका छन् ।

हाल कर्णालीका कालिकोट, हुम्ला, मुगु र डोल्पामा कोरोनाका एक पनि सक्रिय केश नरहेको प्रमुख शाहीको भनाइ छ ।

 

शेरबहादुर थापा
शेरबहादुर थापा

लेखकबाट थप...

कमेन्ट गर्नुहोस्