कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
असोज ५, २०७७
प्रमुख प्रतिपक्षी दल नेपाली कांग्रेसभित्र महाधिवेशनलाई लिएर नयाँ विवाद सिर्जना भएको छ । पार्टीका वरिष्ठ नेता रामचन्द्र पौडेलले १३ औं महाधिवेशनकै प्रतिनिधिबाट १४ औं महाधिवेशन गर्न सकिने मत ल्याएपछि कांग्रेस वृत्तमा यसले हलचल भएको हो ।
सभापति शेरबहादुर देउवाले बहुमत देखाएर केन्द्रीय समितिबाट एकलौटी निर्णय गर्न थालेपछि कांग्रेसभित्र विवादको श्रृङ्खला शुरू भएको हो । गत पुस ११ गते पौडेल पक्षको बहिष्कारका बावजुद पनि केन्द्रीय समिति बोलाएर २०७७ फागुन ७ देखि १० सम्म काठमाडौंमा महाधिवेशन गर्ने निर्णय देउवाले गराएका थिए ।
विधानविपरीत विभागको संख्या बढाउने, भ्रातृ संगठनमा अधिकार जमाउने, क्रियाशील सदस्यतासम्बन्धी विधानका धाराहरू निलम्बन गर्ने र पार्टी नै कब्जा गर्ने नियतका साथ सभापति देउवा अघि बढेको आरोप सभापति देउवालाई लाग्ने गरेको छ ।
पछिल्लो समयमा सभापति देउवालाई तोकिएको समयमा महाधिवेशन नगर्ने नियत राखेको भन्दै आलोचना हुने गरेको हो । केही दिनअघि लोकान्तरसँग कुरा गर्दै कृष्ण सिटौला, मिनेन्द्र रिजाल लगायतका नेताहरूले महाधिवेशन नगर्ने डिजाइनमा नेतृत्व लागेको आरोप लगाएका थिए ।
वरिष्ठ नेता पौडेलले पनि महाधिवेशन टारेर पार्टीलाई संकटतिर धकेल्ने खेल भइरहेको आरोप लगाएका छन् ।
यही सन्दर्भलाई लिएर आइतवार गणेशमान सिंहको स्मृति दिवसका अवसरमा प्राध्यापक बहस चौतारीले आयोजना गरेको भर्चुअल कार्यक्रममा नेता पौडेलले पार्टीको संकट टार्न १३ औं महाधिवेशनका प्रतिनिधिहरूमार्फत् विशेष अधिवेशन गर्न सकिने बताएका थिए ।
उनको यो भनाइको कांग्रेसवृत्तमै आलोचना भइरहेको छ ।
'पार्टी नेतृत्वमाथि निरन्तर खनिनु गलत हो,' देउवानिकट मानिने एक नेताले लोकान्तरसँग भने, 'सभापतिलाई विधानविपरीत गएको आरोप लगाउने वरिष्ठ नेता पौडेलले कुन विधानका आधारमा तेह्रौं महाधिवेशनका प्रतिनिधिहरूलाई ल्याएर १४ औं महाधिवेशन गराउने कुरा राख्नुभयो ? त्यो प्रस्ताव विधानसम्मत छ त ?'
तर वरिष्ठ नेता पौडेलले आफूले बोलेको कुरालाई गलत आशयका साथ प्रचार गरिएको आरोप लगाए । 'कुन पक्षबाट यस्तो गलत नियतका साथ प्रचारबाजी गर्ने काम भइरहेको छ, त्यो मैले बुझेको छु,' पौडेलले लोकान्तरसँग भने ।
महाधिवेशन नगर्ने र पार्टीलाई संकटमा पुर्याउने खेल भइरहेको भन्दै पौडेलले आरोप लगाएका हुन् ।
'मैले पार्टी संकट टार्न विशेष अधिवेशन भएपनि गर्नुपर्छ भनेको हुँ,' पौडेलले भने, 'त्यसलाई गलत आशयका रूपमा बुझियो ।'
विधानतः ४ वर्षका लागि चुनिने कार्यसमितिको म्याद गत सालको फागुनबाट समाप्त भइसकेको छ । त्यसलाई एक वर्ष थप्न सकिने गरी विधानमा रहेको विशेष व्यवस्थाको प्रयोग गरिएको हो ।
पौडेल भन्छन्, 'आलटाल गर्ने र थपिएको समयभित्र पनि महाधिवेशन नगर्ने हो भने कांग्रेसको वैधानिकता समाप्त हुन्छ । उस्तै परे विधान नै संशोधन पनि गर्नुपर्ने हुन सक्छ । विधान संशोधन गर्न उही पुरानै प्रतिनिधि चाहिन्छ । या त महासमितिको बैठक बस्नुपर्यो या त विशेष अधिवेशन डाक्नुपर्यो ।'
पौडेलले एक महिनामा सम्पन्न हुन सक्ने समायोजन कार्य कतिपय ठाउँमा वर्ष दिन भन्दा बढी लागेको भन्दै त्यसलाई समयमा महाधिवेशन नगर्ने नियतका रूपमा बुझ्नुपर्ने बताए ।
उनले फागुनमा कुनै पनि हालतमा महाधिवेशन गर्नुपर्ने तर नेतृत्वको आलटालका कारण सम्भव हुन सकेन भने पुराना प्रतिनिधिहरूमार्फत विशेष अधिवेशन गर्नुपर्ने अवस्था आउने भन्दै चेतावनी दिएको स्पष्ट पारेका छन् ।
ढिलो गरी महाधिवेशन बहसमा प्रवेश गरेको कांग्रेसलाई महाधिवेशन गर्न कोरोना महामारीले निकै चुनौती दिएको छ । कतिपय नेता कार्यकर्ता आफैं कोरोना संक्रमित भएका छन् । महामन्त्री डा. शशांक कोइराला पनि संक्रमणको चपेटामा छन् । अहिले उनी निको भएर डिस्चार्ज भइसकेका छन् ।
देउवा पक्षले कोरोनाको जोखिमका कारण नै कतिपय ठाउँमा क्रियाशील सदस्यता वितरण हुन नसकेको र यसमा नेतृत्वको कुनै दोष नभएको तर्क देउवा पक्षको छ भने कोरोनालाई देखाएर महाधिवेशन नगर्ने नियत राखेको पौडेल पक्षले आरोप लगाएको छ ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...