‘सार्क सम्मेलन चाँडै गरौं’

परराष्ट्रमन्त्री प्रदीपकुमार ज्ञवालीले दक्षिण एसियाली क्षेत्रीय सहयोग संगठन (सार्क) को १९ औं शिखर सम्मेलन सकेसम्म चाँडै गर्न सदस्य मुलुकहरूलाई आग्रह गरेका छन् । उनले सार्कलाई यसलाई गतिशील बनाउनुपर्नेमा जोड दिए ।

संयुक्त राष्ट्रसंघ (यूएन) को ७५ औं महासभाअन्तर्गत विदेशमन्त्रीस्तरीय साइडलाइन भर्चुअल वार्तामा उनले सार्कबारे कुरा राखेका हुन् । साइडलाइन वार्ता यस पटक कोभिड–१९ का कारण भर्चुअल माध्यमबाट भएको हो । सार्कको अध्यक्ष मुलुकका रूपमा मन्त्री ज्ञवालीले बैठकको अध्यक्षता गरेका थिए ।


Advertisement

सन् २०१४ मा नेपालमा सार्कको १८ औं शिखर सम्मेलन भएको थियो । पाकिस्तानको इस्लामाबादमा १९ औं शिखर सम्मेलन हुने भनिए पनि भारत र पाकिस्तानको आपसी द्वन्द्वले हालसम्म हुन सकेको छैन ।

मन्त्री ज्ञवालीले सार्कलाई प्रभावकारी र नतिजामुखी बनाउनुपर्नेमा जोड दिए । उनले सार्कले दक्षिण एसियाली जनताको जीवनमा देख्न सकिने परिवर्तन ल्याउनुपर्नेमा बताएको परराष्ट्र मन्त्रालयद्वारा जारी विज्ञप्तिमा उल्लेख छ ।


Advertisement

मन्त्री ज्ञवालीले कोभिड–१९ विरुद्ध लड्न क्षेत्रीय रूपमा क्षमता विकास गर्नुपर्ने पनि बताए । वार्तामा भारतका विदेशमन्त्री एस जयशंकर र पाकिस्तानका विदेशमन्त्री शाह मोहम्मद कुरेसीलगायत सहभागी थिए । यूएनको ७४ औं महासभाको सार्क मन्त्रीस्तरीय साइडलाइन वार्तामा पाकिस्तानका विदेशमन्त्री हुँदा भारतका विदेशमन्त्री बैठकमा नबस्ने गरेको देखिएको थियो । कान्तिपुर दैनिकमा खबर छ। 

छापाबाट
छापाबाट

लेखकबाट थप...

कमेन्ट गर्नुहोस्