काभ्रे जिप्रकाको १० महिना, फैसला कार्यान्वयनबाट १२ करोड राजश्व संकलन

गगन अर्याल
गगन अर्याल

लोकान्तर संवाददाता अर्याल सुरक्षा/अपराध तथा समसामयिक विषयमा समेत कलम चलाउँछन् ।

गत बिहिवार (असोज ८ गते) बैंकिङ कसुर मुद्दामा ११ करोड ८२ लाख जरिवाना सुनाइएसँगै फरार भएकी काभ्रेकी जयन्ती केसीलाई जिल्ला प्रहरी कार्यालय काभ्रेले पक्राउ गरेको गर्‍यो । 

२०७१ वैशाख २९ गते उच्च पाटन अदालत पाटनले बैंकिङ कसुर मुद्धामा ९ करोड ४७ लाख र २ करोड ३५ लाख रुपैयाँ गरी ११ करोड ८२ लाख ९२ हजार ११६ रुपैयाँ जरिवाना र ३ बर्ष कैद सुनाएकी बनेपा नगरपालिका ६ की केसीलाई पक्राउ गरेको थियो ।


Advertisement

यस्तै गत भदौं २४ गते एक जना महिलालाई अपहरण गरी ५० हजार फिरौती माग्ने ३ जनालाई पक्राउ गर्‍यो । 

पाँचखाल नगरपालिका– १२ देवभूमीका २३ वर्षीय राजकुमार दनुवारलाई उपहरण तथा शरिर बन्धक बनाई फिरौती माग गर्ने पाँचखाल– १२ तीनघरेका आकाश परियार, काभ्रेको तेमाल गाउँपालिका– ७ माईती भएकी सविना तामाङ र काभ्रे कै रोशी गाउँपालिका– १२ माईती भएकी उमा परियारलाई पक्राउ गरेको गरेको थियो ।


Advertisement

यस्तै ९ लाख ४ हजार रुपैयाँ चोरी गरेर फरार रहेका २ जनालाई २४ घण्टा नबित्दै पक्राउ गरे । जेठ २८ गते राती तेण्डेल हार्डवयरको काउण्टरबाट चोरी गर्ने प्रकास जंग कुँवरलाई नवलपरासी सुनवलबाट जिल्ला प्रहरी कार्यलय नवलपरासीको समन्वयमा पक्राउ गर्‍यो भने अर्का फरार अभियुक्त ३६ बर्षीय प्रकाश भण्डारीलाई लुकिछिपी बसेको अवस्थामा काठमाडौं टोखाबाट पक्राउ गर्‍यो । 

पछिल्लो १० महिना जिल्ला प्रहरी कार्यलय काभ्रेले विभिन्न अपराधमा संलग्न अपराधीहरूलाई पक्राउ गरी कानूनको दायरामा ल्याएको छ । 

‘हामीले जिल्ला शान्ति सुरक्षा कायम गर्नको लागि काभ्रे जिल्लामा अपराधमा संलग्न मानिसहरुलाई पक्राउ गरी कानूनको दायरामा ल्याएको छौं,’ जिल्ला प्रहरी कार्यलय काभ्रेका प्रमुख प्रहरी उपरीक्षक (एसपी) रवी पौडेले भने ।

एसपी पौडेलले जिल्लामा प्रमुखको रुपमा कार्यभार सम्हालेपछिको १० महिनामा काभ्रेपलाञ्चोक जिल्लामा मुद्धा फर्छयौट र फर्छयौट हुन बाँकीको संख्या लगभग बराबर देखिन्छ । २ सय ९८ वटा मुद्धा दर्ता भएका मध्ये १ सय ४९ मुद्धा फर्छयौट भएका छन् भने त्यति नै संख्यामा फर्छयौट हुन बाँकी छन् । 

‘हामीले जनालाई छिटो र छरितो तरिकाले सेवा दिइरहेका छौं । त्यसकारणले गर्दा पनि मुद्धा फर्छयौट संख्या बराबर जस्तो देखिन्छ, एसपी पौडेलले भने,‘आगामी दिनमा मुद्धा फर्छयौट संख्यालाई बढाएर लैजान्छौँ ।’
काभ्रे जिल्लामा पछिल्लो १० महिनामा विभिन्न दुर्घटना लगायत विभिन्न कारणले  ९७ पुरुष, ५६ जना महिला र १७ जना बालबालिका गरी १ सय ७० जनाले ज्यान गुमाएका छन् ।

जिल्ला प्रहरी काभ्रेले विभिन्न अपराधमा संलग्न १ सय ८० पुरुष र ७ महिला गरी १ सय ८७ जना अभियुक्तलाई पक्राउ गरेको छ । भने फरार रहेका ६३ जनालाई पक्राउ गरेको एसपी पौडेलले बताए ।
पछिल्लो १० महिनामा जिल्ला प्रहरी कार्यलयले फैसला कार्यान्वयनबाट मात्रै ११ करोड ८४ लाख रुपैयाँ राजश्व संकलन गरेको छ । 

पक्राउ परेका २५ जना अपराधीबाट १५ बर्ष ७ महिना कैद फर्छयौट गरी ११ करोड ८४ लाख ३७ हजार ५२६ रुपैयाँ राजश्व संकलन गरेको जिल्ला प्रहरी कार्यलय काभ्रेपलाञ्चोकको तथ्याङ्कले देखाउँछ । 

यस्तै जिल्लामा विभिन्न समयमा जुवा तास खेल्ने र खेलाउने ५४ जनालाई पक्राउ गरेको छ भने उनीहरुबाट २१ लाख ३८ हजार रुपैयाँ बरामद गरी आवश्यक अनुसन्धानको लागि सम्बन्धित निकायमा पेश गरेको छ । 

यस बिचमा कार्यलय सुधार तर्फ पनि धेरै काम भएको देखिन्छ । प्रमुख एसपी पौडेलका अनुसार नागरिक सहायता कक्षको पुनःनिर्माण, अपाङ्ग मैत्री सेवाग्राहीका लागि शौचालयको निमार्ण, कार्यलयमा गाडीको ग्यारेजको निमार्ण, जुनियर प्रहरी अधिकृत तथा प्रहरी जवान हवल्दाको लागि मेशमा स्तरिय फर्निचरको व्यवस्थापन, समीक्षालय निमार्ण, सभाहल निमार्ण, चमेना गृहको निर्माण, हिरासतको व्यवस्थापन सुधार र आन्तरिक सीसीटीभी जडान जस्ता काम भएको एसपी पौडलले लोकान्तरलाई बताए ।

गगन अर्याल
गगन अर्याल

लेखकबाट थप...

कमेन्ट गर्नुहोस्