भारतको अयोध्यामा राम मन्दिर निर्माणको बाटो खुलेपछि मथुरामा श्रीकृष्णका भक्तहरूले मुगल शासक औरंगजेबको पालामा बनेको शाही ईदगाह मस्जिदलाई हटाउने माग गरेका छन् । 

यस विषयमा मथुरा जिल्ला सिभिल न्यायालयमा निवेदन दर्ता गरिएको छ । त्यसमाथि आज सोमवार सुनुवाइ हुँदैछ । श्रीकृष्ण विराजमानले दायर गरेको निवेदनमा १३.३७ एकड जमीनमा स्वामित्व अधिकारको माग गरिएको छ । 

६ जना भक्तहरूले श्रीकृण जन्मस्थान सेवा संस्थान र शाही ईदगाह प्रबन्ध समितिबीच पाँच दशकअघि भएको सम्झौतालाई अवैध बन्दै त्यसलाई खारेज गर्न र मस्जिद पूरै हटाएर जमीन मन्दिर ट्रस्टलाई सुम्पिन माग गरेका छन् । 

अधिवक्ता विष्णु शंकर जैनले शुक्रवार मथुरा अदालतमा दायर गरेको निवेदनमा सन् १९६८ मा श्रीकृष्ण जन्मस्थान सेवा संस्थान र शाही ईदगाह प्रबन्ध समितिबीच भएको सम्झौता पूर्णतः गलत भएको र भगवान् श्रीकृष्ण तथा उहाँका भक्तहरूको इच्छाविपरीत रहेको उल्लेख गरिएको छ । 

निवेदकहरूले मथुरामा श्रीकृष्ण जन्मस्थान परिसरम ाबनेको शाही ईदगाह मस्जिदलाई जमीन दिने काम गलत भएको बताउँदै सिभिल जज सिनियर डिभिजन छाया शर्माको कोर्टमा दाबी पेश गरिएको छ ।