भारतमा यसपालिको तिहार (दिवाली)मा गाईको गोबरबाट बनेका ११ करोड दियोहरू बेचिने त्यहाँको राष्ट्रिय कामधेनु आयोगले जनाएको छ । 

आयोगले विभिन्न संस्था, स्वयंसेवी संगठन, गौशाला र महिला सहकारीहरूसँग मिलेर यसका लागि काम गर्न आह्वान गरेको छ । 

‘देशभरिका महिलाले गौ माता दिया परियोजनमामार्फत रोजगारी र आर्थिक सहायता प्राप्त गर्नेछन्,’ आयोगका अध्यक्ष वल्लभ कथिरियाले बताए । 

गोबरबाट दियो देशका विभिन्न भागमा बनाइने गरेको भए पनि पहिलोपटक विशाल स्तरमा राष्ट्रव्यापी पहल गरिएको उनले बताए । 

यस परियोजनाको कार्यान्वयनको नेतृत्व गरिरहेका पुरीश कुमारले ११ करोड दियोहरू सजिलै बन्ने बताए । ‘हामीले प्रत्येक राज्यमा स्वयंसेवीहरू खडा गरेका छौं । प्रत्येक परिवारले अनेकौं दियो किन्नेछन्,’ उनले थपे ।