मंसिर १४, २०८०
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
आधा शताब्दीपछि टुक्रिएको नवलपरासी (बर्दघाट सुस्तापूर्व) नवलपुरले आधिकारिक रूपमा आफ्नो अलग्गै नाम भने अझै पाउन सकेको छैन ।
विक्रम संवत् २०१८ सालमा पूर्व नवलपुर र पश्चिम परासी क्षेत्रलाई गाभेर नवलपरासी जिल्ला कायम गरिएको थियो । यसअघि रुपन्देही जिल्लाको पाल्ही माझखण्डका रुपमा चिनिने नवलपरासी ५४ वर्षपछि पुनः पूर्व र पश्चिममा विभाजन भयो । नवलपुरले अझै आफ्नो अलग्गै वैधानिक नाम भने पाउन सकेको छैन ।
विक्रम संवत् २०७२ असोज ३ गते मुलुकमा जारी भएको संविधानले आधा शताब्दीपछि नवलपरासीलाई नवलपरासी (बर्दघाट सुस्तापूर्व) र नवलपरासी (बर्दघाट सुस्ता पश्चिम) मा विभाजन गर्यो ।
संविधान घोषणासँंगै जन्मिएको पूर्व नवलपरासी अर्थात् नवलपुरले आफ्नो आधिकारिक अलग्गै संवैधानिक नाम भने अझै प्राप्त गर्न सकेको छैन ।
भौगोलिक विकटताका कारण घण्टौं धाएर तत्कालीन सदरमुकाम परासी पुग्नुपर्ने नवलपुर क्षेत्रका वासिन्दाको बाध्यताको अन्त्य नयाँ संविधानले गर्यो । संविधानले नवलपुरलाई तत्कालीन अवस्थामा प्रदेश नम्बर ४ (हाल गण्डकी) मा राखेसँगै नयाँ जिल्ला निर्माणको बाटो समेत खुलेको थियो । त्यसपछि पनि नवलपुर पुनः ५ नम्बर प्रदेशमा मिसिने हल्ला धेरै चल्यो ।
नवलपुर अलग हुँदा परासी क्षेत्र हरेक दृष्टिले पछाडि पर्ने आकलन गर्दै यसलाई ५ नम्बरमा लानुपर्ने स्वर उठेका थिए । यता नवलपुरमा भने नयाँ जिल्ला बन्ने भयो भनेर यस क्षेत्रका बासिन्दाले घरघरमा दीप बालेर स्वागत गरेका थिए । नवलपुरका वासिन्दा ५ नम्बर प्रदेशमा पर्नेभन्दा पनि सदरमुकाम परासी घण्टौं धाएर पुग्नुपर्ने समस्याले आजित थिए । नवलपुरका पहाडी क्षेत्रका वासिन्दालाई सदरमुकाम परासी पुगी काम गर्न ३–४ दिन लाग्ने गथ्र्यो । यसकारण पनि नवलपुर क्षेत्रका राजनीतिक व्यक्तित्व, समाजसेवी लगायत सम्पूर्ण नवलपुरवासी गण्डकी प्रदेशमा बस्न चाहन्थे, नवलपुरलाई नयाँ जिल्लाका रुपमा विकास गर्न चाहन्थे ।
संविधान जारी भएसँगै स्थानीय तहको निर्वाचन नवलपरासी पूर्व र पश्चिममा २ चरणमा सम्पन्न भयो । यसले नवलपुर ५ नम्बरमा जाँदैन भन्नेमा केही आशा जगायो । विक्रम संवत् २०७४ असोज ४ गते सरकारले नवलपरासी पूर्व र पश्चिममा जिल्ला समन्वय अधिकारीका रूपमा २ जनालाई खटायो ।
नवलपुरमा स्थानीय विकास अधिकारीका रुपमा त्यस समय विजयराज पौडेल आएसँंगै आधिकारिक जिल्ला निर्माणको कसरत शुरू भएको थियो । विक्रम संवत् २०७४ असोज ६ गते नवलपुरका ८ स्थानीय तहका प्रमुख, उपप्रमुखसहित जिल्लाका मुख्य राजनीतिक दलका जिल्ला प्रमुखको उपस्थितिमा सम्पन्न पहिलो जिल्ला सभाले जिल्लाको नाम नवलपुर र सदरमुकाम कावासोती राख्ने निर्णय गर्दै केन्द्रमा सिफारिश गरेको थियो ।
विक्रम संवत् २०७४ असोज २९ गते नेपाल सरकार मन्त्रिपरिषद्को बैठकले नवलपरासी पूर्व नवलपुरको सदरमुकाम कावासोती राख्ने आधिकारिक निर्णय गरेको थियो । त्यसको भोलिपल्ट असोज ३० गते नवलपुरमा पहिलो जिल्लास्तरको कार्यालयका रुपमा जिल्ला समन्वय समिति स्थापना भएको थियो । अहिले प्रदेश र संघ मातहतका करीब सबैजसो कार्यालय स्थापना भएका छन् ।
नाम भने अझै नवलपरासी (बर्दघाट सुस्तापूर्व) लेख्नुपर्ने बाध्यता कायमै रहेको जिसस प्रमुख चेसराम आलेले बताए । आफूहरूले सबै एकमत भएर जिल्लाको नाम नवलपुर राख्नका लागि केन्द्रमा पत्राचार गरे पनि संविधान संशोधन गर्नुपर्ने भएकाले जिल्लाले आफ्नो नाम पाउन नसक्दा दुःख लागेको उनको भनाइ छ । ‘आफ्नो अलग्गै नाम नहुँदा अझै आधिकारिक पहिचान नभएजस्तो खल्लो हुँदो रैछ,’ प्रमुख आलेले भने, ‘नामकरणको पहल चाँडै होस् ।’
जिल्लामा नवलपुरकै नाममा नवलपुर जिल्ला अदालतको समेत नामकरण भइसकेको उल्लेख गर्दै अब नामलाई वैधानिकता दिनुपर्ने उनले बताए ।
एकैपटक टुक्रिएका नवलपरासी र रुकुममध्ये रुकुम (पूर्व) को सदरमुकामकै विषयमा अदालतमा मुद्दा रहेकाले जिल्लाको अलग्गै नामकरणमा समस्या भएको नवलपुर क्षेत्र नम्बर २ सांसद तिलक महतले बताए । नवलपरासी पूर्व र पश्चिमसँगै रुकुम (पूर्व) र (पश्चिम)को समेत एकैपटक नामकरणको विषय टुंग्याउने कुरा उठेको सांसद महतको भनाइ छ । रुकुम (पूर्व) को सदरमुकामकै विषय अदालतमा रहेकाले संविधान संशोधनमा समावेश गर्न नसकिएको उनले बताए । केही समयअघि निशान छाप परिवर्तनका लागि संविधान संशोधन हुँदा समेत आफूले नामकरणका लागि पहल गरेको सांसद महतले बताए । रुकुम र नवलपरासीको एकैपटक गर्ने कुरा उठेकामा अहिले रोकिएको छ ।
‘म नवलपुरवासीका तर्फबाट आधिकारिक नामकरणका लागि लागिरहेको छु, रुकुमको विषय अदालतमा हुँदा नामकरणको विषय ढिलाइ भएको छ,’ सांसद महतले भने, ‘नामकरणको विषय छिट्टै टुंग्याउनुपर्छ भन्ने सबैको चाहना छ ।’
जिसस रुकुम (पूर्व) का प्रमुख गजेन्द्रबहादुर ओलीले आफूहरूले जिल्लाको नामकरणका लागि कुनै पहल नगरेको बताए । सदरमुकामकै विषयमा अहिले अदालतमा मुद्दा रहेकाले आफूहरूले नामका विषयमा केही पहल नगरेको उनको भनाइ थियो । विभिन्न बहसमा पूर्वी रुकुमको नाम रुकुम नै हुनुपर्ने र पश्चिमले अर्को नाम राख्नुपर्ने कुरा उठ्ने गरेको उनले बताए ।
‘रुकुमकोट ऐतिहासिक क्षेत्र भएको र यसैको नाममा रुकुम जिल्लाको नामकरण गरिएकाले यो भाग अहिले पूर्वी भागमा पर्ने भएकाले हामी पूर्वी रुकुमको नाम रुकुम हुनुपर्छ भन्नेमा छौं,’ प्रमुख ओलीले भने, ‘सदरमुकामको विषय अदालती प्रक्रियामा हुँदा नामको विषयमा अहिले बहस गरेका छैनौं ।’
नवलपरासी (बर्दघाट सुस्तापश्चिम) ले भने नवलपरासी नाम राख्ने गरी जिल्लासभाबाट निर्णय गरी प्रदेश तथा केन्द्रमा पठाएको जिससका प्रमुख शिवशंकर रायले बताए । नवलपरासीबाट टुक्रिएको नवलपरासी (बर्दघाट सुस्तापूर्व) को क्षेत्रफल १ हजार ३३१ दशमलव १६ वर्गकिलोमिटर छ । ८ स्थानीय तहमा विभाजन भएको नवलपुरमा विक्रम संवत् २०६८ सालको जनगणनानुसार ३ लाख ११ हजार ६०४ जनसंख्या छ ।
साविक नवलपरासीबाट अलग बनाइएको पूर्वी नवलपरासीलाई आधिकारिक नामकरण नगर्दा भने यहाँका जनता निराश छन् । संविधानमा नवलपरासी (बर्दघाट सुस्तापूर्व) उल्लेख गरिएकामा यसलाई नवलपुर जिल्लाका रुपमा आधिकारिक नामकरण चाँडै गर्न जिल्लावासीको माग छ ।
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...