कात्तिक २१, २०८०
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
असोज १५, २०७७
‘दुई तिहाइको सरकार छ भन्छन्, पोहोर पनि यस्तै भीड थियो, अहिले पनि यस्तै छ, के गर्छन् होला तिनीहरूले,’ मलिन अनुहार लिएर सडक छेउमा बसिरहेका एक व्यक्ति भन्दै थिए, ‘कोरोनाभाइरसले सबैतिर सखाप पारिसक्यो, हामीलाई पनि लाग्ने पो हो कि !’
सवारी साधनको राजस्व तिर्नका लागि बिहानैदेखि लाइनमा लाग्नेहरूको पीडा हो यो ।
उनीमात्रै हैनन्, काठमाडौं धुम्बाराहीका शेरबहादुरको पनि गुनासो र मनमा त्रास उस्तै थियो । भोको पेटमै बिहान ७ बजे सातदोबाटो आएर लाइनमा बसेका उनले साढे १ बजेसम्म पनि पालो पाएका थिएनन् ।
‘बिहान ७ बजेतिर आइपुगेको थिएँ, महालक्ष्मी थानसम्म लाइन थियो । भोकै छु, खाना पनि खाएको छैन, भोक लागिसक्यो सर...’ लोकान्तरकर्मीसँग उनले भने, ‘म त छिट्टै आएँ जस्तो लाग्थो, सबैभन्दा लास्टमा परेछु ।’
यो त भयो शुरूआती लाइनमै बसिरहेकाहरूको पीडा । यता यातायात कार्यालयको सिस्टममा समस्या देखिएको भन्दै टोकन पालोमा परेपनि राजस्व तिर्न नपाउनेहरूको पनि लाम बाक्लै छ ।
गोदावरीबाट आएका एक युवकले भने, ‘टोकनको पालो त आयो, तर कर प्रिन्ट निस्किएको छैन । सिस्टममा खराबी आएको भन्छन्, कतिञ्जेल बस्नु खै ।’
‘३/४ घन्टा लाइनमा बसेपछि टोकनको पालो आयो । तर सिस्टम बिग्रिएको भन्दै कर प्रिन्टका लागि भोलिलाई बोलाएका छन्,’ उनले भने ।
कोरोना महामारीका कारण सरकारले चैत ११ गतेदेखि लकडाउन घोषणा गरेको थियो । साउन मसान्तसम्म कर तिर्ने समय भएपनि लकडाउन तथा निषेधाज्ञाका कारण सेवाग्राहीहरू कर तिर्नका लागि जान सकेनन् ।
महामारीलाई ध्यानमा राखेको भन्दै यातायात व्यवस्था विभागले त्यसपछि अर्को निर्णय नभएसम्मका लागि भन्दै सम्पूर्ण सेवा स्थगित गर्यो ।
असोज १ गतेदेखि लकडाउन र निषेधाज्ञा पूर्ण रूपमा अन्त्य गरेपश्चात अहिले यातायात कार्यालय सातदोबाटोमा सवारी साधनको राजस्व तिर्न दैनिकजसो भीड लाग्ने गरेको छ ।
बिहानैदेखि लाइनमा बस्दै कतिपयले दिउँसोसम्ममा कर तिरेर फर्कन्छन् भने कतिपय भोलिपल्ट दोहोर्याएर आउन बाध्य छन् ।
पछिल्ला दिनमा निकै व्यस्त रहने यातायात कार्यालयमा सामाजिक दूरी अथवा भौतिक दूरीको पनि पालना छैन । कर तिर्न गएकाहरू कोरोनाभाइरस (कोभिड– १९) सर्ने त्रासमा घर फर्कन बाध्य छन् ।
यातायात कार्यालय भन्छ– सबै काम नर्मल भइरहेका छन्
यातायात व्यवस्था कार्यालय एकान्तकुनाका सूचना अधिकारी लेखनाथ खतिवडा राजस्व संकलनको काम सामान्य गतिमा नै भइरहेको बताउँछन् ।
लोकान्तरसँग उनले भने, ‘बिहान १० बजेदेखि बैंक खुल्ने समयसम्म काम हुने हो, हामीले काम गरिरहेका नै छौं ।’
उनले छिटो कर तिर्ने आशामा बिहानै आउनेहरूको बाक्लो भीड कार्यालय हातामा रहेको बताउँदै यसमा उनीहरूले नै ध्यान दिनुपर्ने बताए ।
कोरोना महामारीका बीचमा पनि काम गर्नुपर्दा केही अव्यवस्थित जस्तो लागेपनि काम निरन्तर भइरहेको उनी बताउँछन् । उनले भने, ‘काम निरन्तर भइरहेका छन्, बाहिर भीड मात्रै बढेको हो ।’
उनले कोरोनाको महामारीका बीचमा कार्यालय बन्द गर्नुपरेको र अहिले खोल्दा सेवाग्राहीको भीड बढ्नु स्वाभाविक भएको बताए ।
‘शुरूका केही दिनमा जोरबिजोर तथा टोकन राखेर सेवा दिँदा सेवाग्राहीले ‘सिन्डकेट’ लगाएको भन्दै गाली गरेपछि हामीले आएका जतिलाई सेवा दिन थालेका हौं, यसो हुँदा भीड त बढ्छ,’ उनले भने, ‘यसको व्यवस्थापनमा आजको भोलि केही गर्न सकिने अवस्था छैन ।’
अनलाइनमा समस्या, काममा हैरानी
टोकन अनुसार राजस्व बुझाउने पालोमा पुगिसकेका सेवाग्राही भीआरएस (भेहिकल रजिस्ट्रेसन सिस्टम) सर्भरमा समस्या आएको भन्दै त्यहाँ रोकिन्छन् । कर प्रिन्टको काम रोकिँदा उनीहरू लामो समयसम्म पालो कुरेर बसिसक्दा पनि त्यसै घर फर्कन बाध्य छन् ।
कार्यालयले भने आफूहरू युजरमात्रै भएको भन्दै सिस्टमको ह्यान्डलिङ सबै नियामक निकाय यातायात व्यवस्था विभाग मीनभवनले गर्दै आएको बताउँछ ।
यसबारे, विभागका सूचना अधिकारी लोकनाथ भुसाल विना तयारी परीक्षणका लागि सानो गोरेटो बनाउँदा समस्या आएको बताउँछन् ।
लोकान्तरसँग उनले भने, ‘हामीले परीक्षणका क्रममा सानो गोरेटोजस्तो सर्भर विकास गरेका थियौं, त्यो गोरेटोमा सानाठूला गाडी पसाएजस्तै धेरै काम गर्न खोज्दा समस्या आयो ।’
यसलाई सुधार गर्नका लागि काम शुरू भइसकेको र अन्तिम चरणमा पुगेको उनले बताए ।
उनले भने, ‘तत्कालै सम्भव हुँदैन, सरकारी प्रक्रिया हो, खल्तीको पैसा खर्च गर्ने होइन, अर्को पटकबाट यो समस्या हट्छ भन्ने विश्वास छ ।’
महामारीका बेलामा सामाजिक दूरीसमेत कायम नगरी भीडभाड गरेको र काममा समस्या आएको गुनासो आएसँगै विभागले आइतवार उपयुक्त प्रविधिको प्रयोग गरी सहज व्यवस्थापन गर्न प्रदेश मातहत रहेका सबै यातायात कार्यालयलाई निर्देशन दिएको बताए ।
उनले भने, ‘कर्मचारीले पनि आलोपालो काम गर्नुपर्दा काममा केही ढिलाइ र चाप बढेको देखियो ।’
अनलाइन पेमेन्ट कहिले ?
महामारी बढ्दै जाँदा सबैजसो सरकारी तथा गैर सरकारी निकायहरू अनलाइन प्रणालीमार्फत् भुक्तानी गर्दै आइरहेका छन् । तर यातायात क्षेत्रमा भने यसो हुन सकेको छैन ।
तत्कालै अनलाइन प्रणालीमार्फत भुक्तानी गर्न सम्भव नभएको भन्दै प्रक्रिया थाल्न प्रदेश सरकारलाई निर्देशन दिइसकेको विभागका सूचना अधिकारी भुसाल बताउँछन् ।
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...