भारतमा अतिविशिष्ट व्यक्तिहरूका लागि एयर इन्डिया वान विमान बिहीवार ल्याइँदैछ । 

उक्त विमान दिल्लीस्थित अन्तर्राष्ट्रिय विमानस्थलमा आज आइपुग्ने भारतको समाचार संस्था एएनआईले लेखेको छ । 

राष्ट्रपति, उपराष्ट्रपति र प्रधानमन्त्रीका लागि दुईवटा अतिविशिष्ट विमानमध्ये पहिलो बिहीवार आउने भएको हो । 

राष्ट्रपति र प्रधानमन्त्रीका लागि किनिएका दुई बोइङ–७७७ विमान आउने भएका हुन् । यी विमानलाई वायुसेनाका पाइलटहरूले उडाउनेछन् । 

विमानमा अत्याधुनिक र सुरक्षित सञ्चार प्रणाली छ । यसमा ह्याक नभइकन आकाशमै अडियो र भिडियो सञ्चार गर्न सकिन्छ । 

विमानहरू अमेरिकाबाट ल्याइन लागेका हुन् । 

अमेरिकामा राष्ट्रपतिले एयर फोर्स वान प्रयोग गर्छन् र भारतले त्यसैको सिको गरेको हो ।