×

NMB BANK
NIC ASIA

सांसदकी श्रीमतीदेखि सचिवसम्मलाई नछाड्ने नटवरलाल: ठगेरै निर्माण कम्पनी, अस्पताल र कलेजमा लगानी !

असोज २०, २०७७

NTC
Sarbottam
Premier Steels
Marvel

प्रहरीले पक्राउ गरी सोमवार सार्वजनिक गरेका जुम्ला कनका सुन्दरी गाउँपालिका– ७ का पसल रोकायाले अनलाइनमा भ्रामक समाचार प्रकाशन गरेर ब्ल्याकमेल गर्ने, साइबर अपराध र ठगी गर्ने मात्र होइन निर्माण सेवा कम्पनी र कलेजसम्म चलाउँदै आएको खुलेको छ ।

Sagarmatha Cement
Muktinath Bank

अभियुक्त रोकायाले खिरिस निर्माण सेवा र संविधान निर्माण सेवा नामका दुई कम्पनीमार्फत ठेक्कापट्टाको काम गर्दै आएको खुलेको महानगरीय प्रहरी परिसर काठमाडौंका प्रमुख वरिष्ठ प्रहरी उपरीक्षक (एसएसपी) श्यामलाल ज्ञवालीले बताए ।


Advertisment
RMC TANSEN
IME BANK INNEWS
shivam ISLAND

‘पसलले २ वटा निर्माण कम्पनीबाट ठेक्कापट्टाको काम गर्दै आएको देखिन्छ,’ एसएसपी ज्ञवालीले भने ।


Advertisment
Nabil box
Kumari

उनको धन्दा मात्रै सीमित हुँदैन रोकाया शुभलभ्मी अस्पतालको अध्यक्ष समेत रहेका छन् । उनले अस्पतालको अध्यक्ष हुँदा ठगी गरेको भन्दै अहिलेसम्म मुद्दा चलिरहेको छ । 

Vianet communication
Laxmi Bank

उनले हालसालै ‘संविधान कलेज’ दर्ता गरेका छन् । उक्त कलेज सीटीईभीटीको सम्बन्धनमा नर्सिङ, हेल्थ असिस्टेन्ट, फार्मेसी लगायतका मेडिकल क्षेत्रको पढाइ हुने गरी कानूनीरूपमै दर्ता गरेको पाइएको महानगरीय प्रहरी परिसरले जनाएको छ ।

उनको ठगी धन्दा त्यतिमा मात्र सीमित देखिँदैन । रोकायाले कर्णाली आवाज डट्कममार्फत् समाचारहरू सम्प्रेषण गर्दै आएका थिए भने कर्णाली एचडी युट्युब च्यानलमार्फत् विभिन्न व्यक्तिको आचरणमा हानी गर्ने खालका सामग्री प्रशारण गर्दै आएको एसएसपी ज्ञवालीले बताए ।

‘पसलले कर्णाली आवाज नामको अनलाइन पत्रिका र कर्णाली एचडी नामको युट्युब च्यानल सञ्चालन गर्दै आएको देखियो,’ एसएसपी ज्ञवालीले लोकान्तरसँग भने ।

सांसदकी श्रीमती, सचिवदेखि वडाध्यक्ष समेतलाई ठगी

उनले जुम्लाका वडाध्यक्षदेखि नेकपाका सांसदकी श्रीमती, सरकारका सचिव, पूर्व सांसद र प्रदेश सांसदसम्मलाई ब्ल्याकमेल गरेर ठगी गरेको पाइएको प्रहरीले जनाएको छ ।

अनुसन्धानमा खटिएका प्रहरी अधिकारीका अनुसार उनले नेकपाका एक प्रभावशाली सांसदकी श्रीमतीलाई प्रभावमा पारेर ठगी गरेको पाइएको छ ।

उनले पूर्व सांसद देवीलाल थापाको भिडियो बनाएर कर्णाली एचडीमा प्रशारण गर्नुका साथै र कर्णाली आवाजमा समाचार प्रकाशित गरेर भ्रष्टाचारी भन्दै गालीगलौज समेत गरेको पाइएको छ ।

यसैगरी कर्णाली प्रदेशका सांसद पदम रोकायाको पनि भिडियो बनाएर सामाजिक सञ्जालमा भ्रष्टाचारी, सुन व्यापारी मारेको, बलात्कारी भन्दै समाचार र भिडियो प्रसारण गरेको पाइएको महानगरीय प्रहरी कार्यालय काठमाडौंले जनाएको छ ।

प्रदेश सांसद रोकायाको नक्कली फेसबूक आईडी बनाएर स्टाफ नर्सबाट पैसा समेत ठगी गरेका अनुसन्धानमा देखिएको प्रहरीले जनाएको छ ।

यस्तै एक जना निजामती कर्मचारीको श्रीमान् श्रीमतीको फोटो सामाजिक सञ्जाल फेसबूकमा राखी ‘नारीले स्वतन्त्रता बाँच्न पाउनुपर्छ, नारीप्रति हेर्ने नजर सबैको राम्रो हुनुपर्छ, चाहे दाइ, भाइ, जेठान, भेना जोसुकै हुन्, बलात्कार गरेको छ,’ भन्दै पोस्ट गरेका थिए ।

‘हामी श्रीमान् श्रीमतीको फोटो राखेर मलाई बलात्कारी भन्दै सामाजिक सञ्जालमा पोस्ट गरेको थियो,’ ती कर्मचारीले लोकान्तरसँग भने, ‘तँ बलात्कारी होस्, यदि बढी बोलिस् भने समाचार गर्दिन्छु भनेको थियो ।’

त्यतिमा सीमित नभएर उनको मोबाइल नम्बरबाट अर्कैसँग विभिन्न कुरा गर्दै ठगी गर्दै आएको ती सरकारी कर्मचारीले बताए ।

ती कर्मचारीको भनाइलाई मान्ने हो भने कतिपय स्टाफ नर्स उसकै कारणले आत्महत्याको प्रयास गर्ने अवस्थामा पुगेको र घरपरिवारबाट टाढा हुनु परेको छ ।

‘मैले खोज्दै जाँदा ५/७ जना स्टाफ नर्स बैनीहरू त आत्महत्या गर्ने अवस्थामा पुगेको समेत पाएको छु,’ उनले लोकान्तरसँग भने, ‘त्यसै कारणले यसलाई खोजेर कानूनको दायरामा ल्याउने र पीडित खोज्न लागेको हुँ ।’

तीनै कर्मचारीको उजुरीको आधारमा प्रहरीले पसल रोकायालाई पक्राउ गर्न सफल भएको थियो ।

एक नेतालाई ब्ल्याक मेल गरेको भिडियो

मुख्य तारो स्टाफ नर्स

अभियुक्त पसल रोकायाले मुख्य तारो स्टाफ नर्सलाई बनाएको प्रहरीको अनुसन्धानमा देखिएको छ । 

महानगरीय प्रहरी परिसरका प्रमुख एसएसपी श्यामलाल ज्ञवालीका अनुसार सीटीईभीटीबाट स्टाफ नर्स पढ्ने युवतीहरू तारोमा देखिन्छन् ।

रोकायाले स्टाफ नर्समा एक/दुई विषय लागेका विद्यार्थीलाई तारोमा राखेर पास गराइदिन्छु भन्दै पैसा ठगी गर्ने गरेको अनुसन्धानमा खुलेको छ । 

‘सीटीईभीटीको परीक्षामा पास गराइदिन्छु भन्दै ७० हजार, १ लाख लगायतका दरले पैसा ठगी गरेको देखिन्छ,’ एसएसपी ज्ञवालीले भने ।

उनले स्टाफ नर्सलाई प्रभावमा पार्नका लागि आफू सीटीईभीटीको बोर्ड मेम्बर भएको बताउने गरेका थिए । सीटीईभीटीकै अन्य सदस्यहरूसँग म्यासेजमा भएको कुराकानीको नक्कली स्क्रीनशट बनाएर पठाउने गरेको पाइएको एसएसपी ज्ञवालीले बताए ।

आस्वस्त पारेपछि युवतीबाट पैसा लिने र पछि विद्यार्थीहरूले ‘कि पास गराइदिनुस् कि पैसा फिर्ता दिनुस्’ भन्दा उनीहरूको फेक फेसबूक आईडी बनाएर अश्लील फोटो राख्ने र फेरि ब्ल्याकमेल गर्ने गरेको अनुसन्धानमा खुलेको प्रहरी जनाएको छ ।

यस्तै अभियुक्त रोकायाले राष्ट्रिय अनुसन्धानको सहायक अनुसन्धान अधिकृतमा जागिर लगाइदिन्छु भन्दै एक जनाबाट ४ लाख र अर्को एक जनाबाट २ लाख गरी ६ लाख ठगी गरेको समेत पाइएको छ ।

ठगीका लागि प्रयोग भएका स्क्रिनशट

बैंक खातामा २ करोड रुपैयाँ

अभियुक्त रोकायाको विभिन्न बैंक खातामा २ करोड रुपैयाँ रहेको पाइएको छ ।

अनुसन्धानमा खटिएका प्रहरी अधिकृतका अनुसार स्रोत नखुलेको २ करोड रुपैयाँ विभिन्न बैंकको खातामा रहको छ । 

त्यो पैसा रोकायाले ठगी गरेर कमाएको हुनसक्ने प्रहरीको अनुमान छ ।

‘बैंक खातामा पैसा देखिएको छ, त्यसको अनुसन्धान भइरहेको छ,’ महानगरीय प्रहरी परिसरका प्रमुख एसएसपी श्याम ज्ञवालीले लोकान्तरसँग भने ।

 

hAMROPATRO BELOW NEWS
TATA Below
कात्तिक २५, २०८०

बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...

फागुन २६, २०८०

पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...

मंसिर ३०, २०८०

बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् ।  काठम...

माघ ५, २०८०

मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...

फागुन ५, २०८०

श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...

माघ २७, २०८०

भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x