लन्डनको मासु बजारमा पशुअधिकारकर्मीहरूले विरोध गर्न खोज्दा बगरेहरूले अण्डा र मासु फालेर लखेटेका छन् । 
 

डिरेक्ट याक्सन एभ्रीह्वेर नामक समूहले स्मिथफील्ड मार्केटमा विरोध प्रदर्शन गर्न खोज्दा बगरेहरूसँग झडप भएको थियो । 

घटनाको भिडियोमा दुई समूहबीच हातपात भएको देखिन्छ । दुवैले एकअर्कामाथि मुक्का बर्साएका थिए । पछि पशुअधिकारकर्मीहरूलाई बगरेहरूले कठालो समातेर घोक्य्राएका थिए । 

भिडियो फेसबूकमा पोस्ट गर्दै भिगन समूह डीएक्सई ग्रूपले लेख्यो, ‘स्मिथफील्ड मार्केटका बगरेहरूले शान्तिपूर्ण प्रदर्शन गरिरहेका अधिकारकर्मीहरूलाई हातपात गरे ।’

शरीर चोक्टाचोक्टा पार्दा रमाउनेहरूबाट अरू के अपेक्षा गर्न सकिन्छ र ? 

आफूलाई अण्डा र मासुका टुक्राले आक्रमण गरिएको अनि बरफ राखिएको पानीले भिजाइएको र मुक्कालात बर्साइएको उनीहरूको भनाइ छ । 
 

डीएक्सई अन्तर्राष्ट्रिय अभियान हो र बेलायतमा यसका विभिन्न उपसमूहहरू छन् । अहिंस्रक तरिकाले आफूहरू पशु शोषणको विरोध गर्ने उनीहरू बताउँछन् । 

यस समूहका सदस्यहरूले यसअघि म्याकडोनल्ड्सको आउटलेटमा नक्कली रगतले आक्रमण गरेका थिए । त्यसक्रममा उनीहरूले सुँगुर र कुखुराको मास्क लगाएका थिए ।

Working class lads in #Smithfield market teach a lesson to privileged #wokes for trying to do a US #Democrat instigated disruption protest in #London 🤣 pic.twitter.com/nZFgv8F5Iq

— Potkin Azarmehr (@potkazar) October 10, 2020