उपराष्ट्रपति नन्दबहादुर पुन ‘पासाङ’ ले चालु आर्थिक वर्षका लागि प्राप्त गरेको चाडपर्व वापतको  खर्च रकम ‘कोरोना भाइरस संक्रमण रोकथाम, नियन्त्रण तथा उपचार कोष’लाई प्रदान गर्ने भएका छन् ।
उपराष्ट्रपतिका प्रेस संयोजक मनोज घर्तीले बुधबार एक विज्ञप्ति जारी गर्दै सो जानकारी दिएका छन् ।

विज्ञप्तिमा उपराष्ट्रपतिले सो कोषमा यसअघि पनि एक महिनाको पारिश्रमिक रकम जम्मा गरिसकेको समेत जानकारी दिइएको छ ।
लोकान्तरले कोरोना महामारीका बीच पनि सांसदहरुले दशैं भत्ता लिएको समाचार प्रकाशित गरेसँगै चौतर्फी आलोचना थेग्न नसकेर अहिले सांसदसहित राष्ट्रपति, उपराष्ट्रपति, प्रधानमन्त्री, मन्त्रिपरिषद्का सदस्यसम्मले रकम फिर्ता गर्ने लहर चलेको छ ।