पुस २५, २०८०
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
कर्णाली प्रदेशको राजधानी वीरेन्द्रनगरको मुटुमा रहेको घण्टाघरमा तपाईं जतिसुकै बेला जानुस्, त्यहाँ जहिल्यै पनि १० बज्नलाई २ मिनेट बाँकी हुन्छ ।
समय थाहा पाउनका लागि भन्दै करीब ३३ वर्ष पहिले घण्टाघर निर्माण गरिएको थियो । उक्त घण्टाघरको घडी चल्न छाडेको गरेको धेरै समय भएपनि प्रदेश सरकार र नगरपालिकाको ध्यान जान सकेको छैन । घण्टा घरको घडीले सरकारलाई गिज्याइरहेको छ ।
प्रदेश सरकारको मुख्यालयनजिकै रहेको घण्टाघरलाई व्यवस्थित गराउन नसक्दा अहिले जनमानसमा आलोचना हुने गरेको छ ।
उतिबेला सबैको हातमा घडी थिएन । कतिपयले आकाशको सूर्यलाई हेरेर समयको आकलन गर्थे । उनीहरूले सूर्यलाई हेरेर आकलन गरेको समय मिल्दोजुल्दो हुन्थ्यो र सोहीअनुसार काम गर्थे ।
स्थानीय उज्ज्वल कार्की भन्छन्, ‘एकअर्कासँग भेटघाट गर्थे । त्यसलाई सहज बनाउन २०४४ सालमा घण्टाघर निर्माण गरियो ।'
घण्टाघरको घण्टी बजेपछि एकिन समय सबैलाई थाहा हुन्थ्यो । करिब साढे दुई किलोमिटरसम्म घण्टीको आवाज पुग्थ्यो । केही त यहाँसम्म आएरै भए पनि समय हेर्ने गर्थे ।
तर अहिले यही घण्टाघरमा निर्माण गरिएको घडीको सुइ रोकिएको धेरै समय भइसकेको छ ।
प्रदेश राजधानी बनेसँगै यहाँ आवातजावत गर्नेको भीड छ । तर यसको महत्त्व त्यो भीडसम्म पुग्न सकेको छैन ।
यसलाई मर्मत गर्न न कुनै निकाय लागेको छ न त यसमा घडी हेर्न नै कोही आउँछ । शायद धेरैलाई यो घडी बिग्रिएको थाहा नै छैन होला । कारण, ‘यो घडीलाई वास्ता नगर्नु !’
सुर्खेतमा घुम्नलायक केही स्थान मात्र छन्, ती मध्येको चर्चित यो एक पर्यटकीय स्थल पनि हो ।
स्थानीय रामसरा विक भन्छिन्, ‘सरकारले करोडौं बजेट फ्रिज गराएको समाचार हामी सुन्ने गर्छौं तर दुईचार लाख लगानी गरेर सरकारले यो घडी सुधार्न सक्दैन । यो लाजमर्दो कुरा हो । समय थाहा पाउने माध्यमभन्दा पनि इतिहास भएकाले यसको संरक्षणमा ध्यान दिनुपर्ने उनको भनाइ छ ।
यो अहिले सुर्खेतको पर्यटकीय क्षेत्रका रूपमा हेरिन्छ । कर्णालीकै पहिलो पार्क भनेर घण्टाघर पार्कलाई बुभिन्छ ।
चिनियाँ कम्पनीले भेरी नदीमा पुल निर्माण गर्दा बचेको पैसाले घण्टाघर निर्माण गरिएको अधिवक्ता दुर्गाप्रसाद सापकोटा बताउँछन् । नागरिक समाजबाट घडी मर्मतका लागि पहल भए पनि सरकारले यसलाई वास्ता गरेको छैन ।
‘हामीले पहिला पनि क्षेत्रीय प्रशासकलाई संकेतस्वरूप बिग्रिएको घडी उपहार दिएका हौं,’ उनले भने, ‘तर सुनुवाइ भएन ।’
करीब २०६८ सालदेखि बिग्रिँदै आएको उक्त घडी करीब दुई वर्षदेखि पूर्णरूपमा बिग्रिएको छ । घण्टाघर पार्क सञ्चालनका लागि नगरपालिकाले घण्टाघर पार्क रिसोर्टसँग सम्झौता गरेको छ । २०६७ सालदेखि नगरपालिकाले निजी क्षेत्रसँग सहकार्य गरेको थियो ।
उक्त सम्झौतामा घडी बिग्रिए पार्क सञ्चालनको जिम्मा लिएको घण्टाघर पार्क रिसोर्टले मर्मत गर्ने र पूर्णरूपमा बिग्रिए नगरपालिकाले नयाँ खरिद गर्ने सम्झौता भएको छ । वीरेन्द्रनगर नगरपालिकाको प्रस्तावमा कर्णाली प्रदेश सरकारले १५ लाख रूपैयाँ घडी खरिदका लागि छुट्याएको थियो । तर उक्त रकम खर्च हुन नसकेको घण्टाघर रिसोर्ट पार्कका सञ्चालक चिन्तामणि शर्माले बताए ।
घडी निर्माणकालागि बजेट भएपनि अख्तियारमा बारम्बार मुद्दा आयो । घडी बिग्रिएको विषयमा मैले जानकारी गराएको छु,’ उनले भने, ‘नयाँ खरिद गर्ने मेरो जिम्मामा छैन । मर्मत गर्ने जिम्मेवारी मात्र हो ।’
२०४४ सालमा घण्टाघर मात्र भएकोमा २०५५ सालदेखि पार्कको रूप लिएको थियो ।
पछिल्लो समय यो वीरेन्द्रनगरको पर्यटकीय क्षेत्रका रूपमा चिनिन्छ । यहाँ चारवटा घडी जडान गरिएको छ ।
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...