मंसिर २५, २०८०
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
नेपाल विद्युत् प्राधिकरणले बिहीवार एक सूचना जारी गर्यो ।
सूचनामा जनाइएअनुसार बिहीवार काठमाडौंका ६ वटा फिडर अन्तर्गतका विभिन्न स्थानहरूमा विद्युत् सेवा अवरुद्ध भयो ।
सूचनामा भनिएको थियो, ‘काठमाडौं ग्रीड महाशाखाबाट स्युचाटार सबस्टेसनमा जडित ११ के.भी स्विचगीयर प्यानल बदली गरी नयाँ स्विचगीयर प्यानल जडान गर्ने कार्य भइरहेको हुनाले मिति २०७७/०७/२७ गते बिहीवार मध्याह्न १२ः०० बजेदेखि दिउँसो ३ः०० बजेसम्म उक्त सबस्टेसनबाट वितरित कुलेश्वर वितरण केन्द्रअन्तर्गतको स्वयम्भु, बलम्बु, कलंकी, थानकोट, कालिमाटी, ताहाचल फिडर अन्तर्गतका सम्पूर्ण स्थानहरूमा विद्युत् सेवा अवरुद्ध हुने हुँदा यसबाट पर्न जाने असुविधाप्रति क्षमाप्रार्थी छौं र सो कार्य निर्धारित समयअगावै सम्पन्न भएमा सो समयभन्दा अगावै लाइन सुचारु हुन सक्ने जानकारीका लागि अनुरोध छ ।’
यो त सूचना नै प्रकाशित गरेको कुरा भयो, सूचना प्रकाशित नगरी पनि आजभोलि फ्याट्ट–फ्याट्ट बत्ती जाने गरेको छ ।
तिहारको मुखैमा यसरी विद्युत् प्रवाह दैनिकजसो अवरुद्ध भइरहँदा नागरिकहरू तिहारमा पनि यस्तै हुने त होइन भनेर सशंकित छन् ।
तिहारका लागि विभिन्न प्रकारका उपकरणहरू बाली सबैले आ–आफ्नो घर झिलिमिली बनाउने क्रम शुरू भइसकेको छ । बजारमा पनि रंग बिरंगका बत्तीहरूको बिक्री बढ्दै गरेको छ ।
किन जान्छ बत्ती ?
विभिन्न किसिमका प्राविधिक काम जारी हुँदा विद्युत् प्रवाहमा अवरोध भइरहेको नेपाल विद्युत् प्राधिकरणले जनाएको छ । प्राधिकरणका प्रवक्ता मदन तिम्सिना मर्मत सम्भार लगायत विभिन्न प्रकृतिका कामहरू भइरहँदा सूचना दिएर बत्ती काट्नुपरेको बताउँछन् ।
उनले भने, ‘मर्मतसम्भारका कामहरू भइरहेका हुन्छन्, अन्य कामहरू पनि भइरहेको हुन्छन्, त्यसैले समय–समयमा लाइन काट्नुपर्ने अवस्था आउँछ ।’
तिहारका लागि जाँदैन बत्ती
मर्मत सम्भारका कामले शुक्रवारसम्म बत्ती जाने भएपनि तिहारको अवधिभर भने लाइन नजाने उनले बताए । उनले भने, ‘तिहारको समयमा पनि चुस्त र दुरुस्त सेवा प्रवाहका लागि हामीले तयारी गरिरहेका छौं ।’
उनका अनुसार, प्राधिकरणले मर्मत सम्भार तथा अन्य कामहरू शुक्रवारदेखि मंसिर १ गतेसम्मका लागि स्थगित गरेको छ । सामान्य परिस्थितिमा बत्ती नजाने बनाउनका लागि प्राविधिकहरूलाई निर्देशन जारी गरिसकेको बताउँदै प्रवक्ता तिम्सिना भन्छन्, ‘हामीले सबै कार्यालयहरूमा सर्कुलेसन पठाइसकेका छौं, तिहार अवधिभर बत्ती जाँदैन ।’
तिहारका समयमा उपभोगका लागि प्रयाप्त विद्युत् हुने भन्दै अहिले विगतका वर्षहरूमा जस्तो विद्युत् नपुग्ने भन्ने नरहेको उनले बताए । ‘तिहारका समयमा उद्योगधन्दा कमै मात्रामा चल्छन्, जसले गर्दा पनि विद्युत उपभोक्ताहरूलाई पर्याप्त मात्रामा पुग्दछ भन्ने हामीले विश्वास लिएका छौं,’ उनले थपे, ‘अहिले तिहारमा बत्ती जाँदैन, कुनै कारणवश प्राविधिक त्रुटि देखियो र बत्ती गइहाल्यो भने पनि प्राविधिकहरू स्ट्याण्डबाई हुन्छन्, केहीबेरमै बत्ती बल्छ ।’
उनले भने, ‘विगतका वर्षहरूमा विद्युत् नपुग्ने, र कटौती हुने गरेका हुन् । तर विगत ३/४ वर्षदेखि त कति आवश्यक हो, माग कस्तो हुन्छ भन्ने कुरा फिगर नै आयो, हामीले त्यही अनुसार तयारी गर्छौं ।’
गत वर्षको लक्ष्मी पूजाको दिन विद्युत्को लोड ११ सय मेगावाट रहेको थियो । अहिले पनि त्यही हाराहारीमा विद्युत् खपत हुने उनको अनुमान छ ।
विद्युत् प्राधिकरणका अनुसार गत मंगलवार दिनभरमा १ हजार २ सय ८६ मेगावाट विद्युत खपत भएको छ । उद्योगधन्दा बन्द रहेको अवस्थामा तिहार अवधिभरका लागि यो बढी समेत हुन जाने देखिएको उनले बताए ।
प्राधिकरणले अहिले सामान्य अवस्थामा भारतबाट बिजुली ल्याएको छैन । अर्थात् ‘पीक आवर’ मा कुनैबेला उताको विद्युत् आवश्यक पर्ने भएपनि सामान्य अवस्थामा आन्तरिक उत्पादनले नै माग धानेको उनले बताए ।
उनले भने, ‘भारतबाट एकदमै पीक आवरमा कुनै बेला ल्याइएको छ, तर सामान्य अवस्थामा आन्तरिक उत्पादनले नै माग धान्छ ।’
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...