अन्य व्यक्ति पनि सांगठनिक पेट्रोल चोरीमा संलग्न हुन सक्ने आशंका, अनुसन्धान गरिदिन पत्र

 पेट्रोल ढुवानी गर्ने ट्यांकरमा फल्स चेम्बर बनाई इन्धन चोरी गरेको फेला परेपछि आयल निगमले थप अनुसन्धान गरिदिन नेपाल प्रहरीको केन्द्रीय अनुसन्धान ब्युरो (सीआईबी) लाई अनुरोध गरेको छ ।

निगमले सीआईबीलाई पत्र पठाउँदै अन्य व्यक्ति पनि सांगठनिक चोरीमा संलग्न हुन सक्ने जनाएको छ । त्यसबारे अनुसन्धान र कारबाही गरिदिन निगमको अनुरोध छ ।


Advertisement

‘स्वीकृत मापदण्डबाहेकको फिटिङ्स जडान (फल्स चेम्बर) बनाई इन्धन चोरी गरेको तथ्य फेला परेको हुनाले चोरीमा अन्य व्यक्ति संगठित अपराधमा संलग्न हुन सक्ने सम्भावना देखिन्छ,’ निगमका कार्यकारी निर्देशक सुरेन्द्रकुमार पौडेलले उद्योग वाणिज्य तथा आपूर्ति मन्त्रालय र गृह मन्त्रालयलाई बोधार्थ गरी नेपाल प्रहरी, प्रधान कार्यालयलाई पठाएको पत्रमा भनिएको छ, ‘थप अनुसन्धान गरी दोषीउपर आवश्यक कारबाही प्रक्रिया अघि बढाइदिनुहुन सादर अनुरोध गर्दछु ।’ निगमले काठमाडौं–बरौनी रुटमा चल्ने वीरबेताल आशीर्वाद ढुवानी सेवाका ट्यांकर नम्बर ना७ख ३६९६ र ना७ख २९९५ मा फल्स चेम्बर बनाएको फेला पारेको थियो ।

ट्यांकरको चेम्बर नम्बर ३ र ४ को बीच भागमा स्वीकृत मापदण्डबाहेकको फिटिङ्स जडान (फल्स चेम्बर) बनाई चोरी गरेको तथ्य फेला परेको थियो ।


Advertisement

२०/२० हजार लिटर क्षमताका दुई ट्यांकरबाट एक महिनामा करिब ८ हजार लिटर चोरी भएको निगमको आशंका छ । पत्रमा निगमले १५ लाख रुपैयाँसम्म हर्जना तिराउने जनाएको छ । स्ट्यान्डर्ड नापतौल ऐन २०२५ अनुसार कारबाही प्रक्रिया बढाउन गुणस्तर तथा नापतौल विभागलाई पनि पत्र पठाइएको छ । ऐनअनुुसार कैफियत देखिए चोरीमा संलग्न व्यक्तिलाई ३ वर्ष कैद र ३० हजार रुपैयाँसम्म जरिवाना गर्न सकिन्छ । कान्तिपुर दैनिकमा खबर छ ।

छापाबाट
छापाबाट

लेखकबाट थप...

कमेन्ट गर्नुहोस्