धितोपत्र बजारमा कारोबार मापक नेप्से परिसूचकले मंगलवार नयाँ उचाइ कायम गरेको छ ।

निर्जीवन जीवन बीमा, जीवन बीमा र उत्पादन उपसमूहका कम्पनीको शेयरमा उच्च अंकले वृद्धि भएपछि नेप्से परिसूचकले १ हजार ८०० को विन्दु पार गरेको हो ।

आइतवार र सोमवार मात्रै झण्डै १२ अर्ब रुपैयाँ बराबरको कारोबार भएको बजारमा मंगलवार पनि कारोबार रकम ५ अर्ब ४४ करोड बराबरको भएको छ ।

नेपाल स्टक एक्सचेञ्जका अनुसार मंगलवार नेप्सेमा दोहोरो अंकको वृद्धि भयो । स्टकका अनुसार नेप्से २९.६८ विन्दुले उकालो लागेर १ हजार ८१०.११ मा पुगेको छ । ठूला कम्पनीको शेयर कारोबार मापन गर्ने सेन्सेटिभ परिसूचक ४.४२ विन्दुले उकालो लागेर ३४९.३७ मा पुगेको छ । कूल १९६ कम्पनीको १ करोड १७ लाख ४८ हजार ५२० कित्ता शेयर ५ अर्ब ४४ करोड २९ लाख ५० हजार १८९ मा खरीदबिक्री भए ।

स्टकका अनुसार कारोबार भएका कूल १२ उपसमूहमध्ये मंगलवार होटल उपसमूहको शेयर ओरालो लाग्दा अन्य ११ उपसमूहको शेयर भने उकालो लागेको छ । होटल ३४.९२ विन्दुले ओरालो लागेको छ । बैंकिङ १.४४, व्यापार १७२.६३, विकास बैंक १२.८६, जलविद्युत् २१.३२, वित्त ६.२३, निर्जीबन बीमा ३२७.५१, उत्पादन २२७.१२, अन्य ६१.५१, लघुवित्त २५.५९, जीवन बीमा २४८.५२ र सामूहिक लगानी कोष ०.१ विन्दुले उकालो लागेका छन् ।

कारोबारका आधारमा एनआईसी एशिया बैंक शीर्ष स्थानमा छ । बैंकको ३७ करोड ३३ लाख ८६ हजार ५०५ बराबरको कारोबार भयो । नेपाल दूरसञ्चार कम्पनी २८ करोड ५१ लख १७ हजार १८८, नेपाल पुनर्बीमा कम्पनी २५ करोड ८२ लाख ३ हजार ५७९, हिमालयन डिस्टिलरी २० करोड ९४ लाख ७८ हजार २५७, नेको इन्स्योरेन्स २० करोड १४ लाख ७३ हजार ५८६, नेसनल लाइफ इन्स्योरेन्स कम्पनी १८ करोड ९९ लाख २४ हजार ९८८, नेपाल लाइफ इन्स्योरेन्स कम्पनी १८ करोड ३३ लाख १४ हजार २६८, नेपाल बैंक लिमिटेड १७ करोड ६९ लाख ७० हजार २८३ र  शिवम् सिमेन्ट १५ करोड २३ लाख २ हजार ५४२ बराबरको कारोवार भई शीर्ष स्थानमा छन् ।

कारोबार भएका कम्पनीमध्ये १२४ को शेयर उकालो लागेको छ भने ३५ कम्पनीको शेयर ओरालो लाग्दा १३ को भने कुनै परिवर्तन भएन । कारोबारका आधारमा मंगलवार बोटलर्स नेपाल तराई ९.९९, हिमालयन डिस्टिलरी ९.९८, विशाल बजार कम्पनी ९.९५, आँखु खोला जलविद्युत् कम्पनी ९.९२, मल्टीपर्पोज फाइनान्स ९.८७, अजोड इन्स्योरेन्स ९.८६, ङादी ग्रुप अफ पावर ९.७३, नेको इन्स्योरेन्स ९ र नेशनल माइक्रोफाइनान्स वित्तीय संस्थाका लगानीकर्ताले ८.८२ प्रतिशतले कमाए ।

सोल्टी होटल ३.२०, सप्तकोशी डेभलपमेन्ट कम्पनी ३.०७, जानकी फाइनान्स २.६५, युनिलिभर नेपाल २, अपि पावर कम्पनी १.९२, एभरेस्ट बैंक १.७८, गणपति माइक्रोफाइनान्स १.७८, हिमालयन बैंक १.५०, नेपाल फाइनान्स १.४९ र सानिमा इक्विटी फण्डका लगानीकर्ताले १.३५ प्रतिशतले गुमाए ।