फर्मुला वान कार रेस चलिरहेको बेलामा एक कार दुर्घटनामा परेर दुई टुक्रा भएको छ अनि त्यसमा भयानक आगलागी भएको छ । 

तर कारचालकलाई अलिअलि पोलेबाहेक अन्य कुनै चोटपटक लागेको छैन । 

घटना आइतवार बहराइनमा आयोजित रेसको क्रममा भएको हो । 

फ्रान्सका रेसिङ ड्राइभर रोम्यान ग्रसजीनको कार ट्य्राकबाट अलिक पर पुगेर आगलागी भएको थियो । दुर्घटनामा उनको हात र गोडा अलिकति डढ्यो । 

उनको कार ट्य्राकबाट चिप्लेर सेफ्टी ब्यारियरमा ठोकिएको थियो । घटना भएलगत्तै रेस रोकिएको थियो । 

तत्कालै उद्धार टोली घटनास्थलमा पुग्यो र रोम्यानलाई आगोको मुश्लोबाट निकाल्यो । 

ठोकिएपछि कार दुई टुक्रा भएकाले रोम्यानलाई बाहिर निसकन सजिलो भयो । 

उनको कार कसरी स्टीलको घेरालाई तोडेर पर पुग्न सक्यो भनी प्रश्न उठिरहेका छन् ।