नेपाल राष्ट्र बैंकले ५० अर्बको निक्षेप संकलन उपकरणको बोलकबोल तथा निष्काशन गर्ने भएको छ । बैंकले बुधबार विभिन्न विशेषता तथा शर्तहरु कायम गरी २८ दिनको लागि निक्षेप संकलन उपकरणको बोलकबोल तथा निष्कासन गर्ने भएको मंगलबार जारी सूचनामा उल्लेख छ ।

घटीमा ५ करोड र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सकिने छ भने राष्ट्र बैंकबाहेक अन्य बैंक तथा वित्तीय संस्थामा धितोको रुपमा प्रयोग गर्न सकिनेछ ।
निक्षेप संकलन उपकरणको बालकबोलमा राष्ट्र बैंकबाट इजाजत प्राप्त क, ख र ग बर्गका बैंक तथा वित्तीय संस्थामात्र सहभागी हुन पाउनेछन् ।