शेयर ब्रोकर कमिसन घटाउन माग गर्दै लगानीकर्ताहरूले नेपाल धितोपत्र बोर्ड घेराउ गरेका छन् ।

लगानीकर्ताहरूले शुक्रवार बोर्डको कार्यालय पुगेर आफ्ना मागहरू प्रस्तुत गरेका हुन् । 

विभिन्न प्लेकार्डमा पुगेका लगानीकर्ताहरूले नेपालमा ब्रोकरले लिने कमिसन धेरै भएको गुनासो गरेका छन् ।  
्
लगानीकर्ताहरुले दैनिक ८/९ करोड रुपैयाँको कारोबार हुँदाको कमिसन र अहिले ८/१० अर्ब कारोबार हुँदाको कमिसन बराबर हुनु तर्कसंगत र वैज्ञानिक नभएको भन्दै यसलाई घटाउन बोर्डलाई उनीहरुले आग्रह गरेका छन्।

नेपाल इन्भेष्टर्स फोरम,शेयर लगानीकर्ता संघ, नेपाल पूँजीबजार लगानीकर्ता संघ, नेपाल पूँजीबजार संघ र सेयर लगानीकर्ता दबाब समूह संघले माग गरेका हुन्।