भारतमा केन्द्र सरकारले ल्याएको कृषि कानुनका विरुद्ध किसान आन्दोलन चर्किँदै  गएको छ । आफ्नो माग पूरा नभएसम्मका लागि सडकबाट नहट्ने भन्दै दिल्लीको सीमा क्षेत्रमा धर्नामा  बसेका छन् । उनीहरुले जति समय लागे पनि आफूहरु पछि नहट्ने भन्दै खाने र सुत्ने बन्दोबस्त पनि सकडमै गरेका छन् । 
साथै उक्त आन्दोलनप्रति भारतीय चलचित्रकर्मीका साथै राजनीतिक दलका नेताहरुको साथ रहँदै आएको छ । शनिबार यहाँका अन्तर्राष्ट्रिय खेलाडीले पनि किसान आन्दोलनको समर्थन गर्दै आफूले पाएका अवार्ड फिर्ता गर्ने घोषणा गरेका छन् । 

उनीहरुले शुक्रबारदेखि सडक बन्द गर्दै हवन पनि शुरु गरेका छन् । यस्तै पञ्चाजवका अन्तर्राष्ट्रिय खेलाडीले आन्दोलनलाई समर्थन गरेका छन् ।  यी खेलाडीले आफ्नो खेलबाट पाएका अवार्ड र मेडल केन्द्र सरकारलाई फिर्ता गर्ने घोषणा गरेका छन् । 

यसमा मामलामा पद्मश्री करतार सिंह पहलवानको घरमा जम्मा हुँदै, गोल्डेन गर्ल, राजवीर कौर, ओलम्पियन दन्वीदर सिंह गरचा र ओलाम्पियन गुरमेल सिंहले सञ्चारमाध्यमसँग कुरा गर्दै ३७ जनाको समूह मेडल र अवार्ड फिर्ता गर्नका लागि शनिबार दिल्ली हिँडेको बताएका छन् । । 

उनले द्रोणाचार्य अवार्ड, अर्जुन अवार्ड, मेजर ध्यानचन्द अवार्ड र अन्य तीन अवार्ड साथमा लिएर जालन्धर हुँदै सिन्धु बोर्डरमा किसानसँगको भेटपछि अवार्ड फिर्ता गर्ने बताएका छन् । यस घटनामा ६ र ७ डिसेम्बरमा राष्ट्रपतिसमक्ष अवार्ड र मेडल फिर्ताका लागि भेट गर्ने कुरा भइसकेको बताएका छन् । 

प्रकाश सिंह बालले पद्म विभूषण फिर्ता गरे 

यसमा पहिले नै पञ्जावका मुख्यमन्त्री तथा अकाली दलका वरिष्ठ नेता प्रकाश सिंह बादलले कृषि कानुनको विरोधमा आफूले पाएको पद्म विभूषण सम्मान फिर्ता गरेका छन् ।

उनका साथै अकाली दलका नेता सुखदेव सिंह ढिन्ढसाले पनि आफ्नो भद्म भूषण सम्मान फिर्ता गर्ने बताइसकेका छन् । 

प्रकाश सिंह बादलले राष्ट्रपति रामनागथ कोविन्दलाई तीन पृष्ठको पत्र लेख्दै कृषि कानुनको विरोध गरेका छन् । किसानमाथि गरिएको व्यवहारप्रति आपत्ति जनाउँदै विभूषण फिर्ता गरेका हुन् ।