×

NMB BANK
NIC ASIA

पीसीआर टेस्ट पटक–पटक गर्नु पर्दैन, आइसोलेसन १० दिन बस्दा हुन्छ : डा. रवीन्द्र पाण्डे

मंसिर २२, २०७७

NTC
Sarbottam
Premier Steels
Marvel

कोरोना महामारी फैलिएको १ वर्ष हुँदैछ । यो अवधिमा कोरोना भाइरस, कोरोना संक्रमण तथा कोभिडबारे धेरै धारणा परिष्कृत हुँदै आएका छन् । 

Sagarmatha Cement
Muktinath Bank

पुराना अवधारणा विस्थापित हुँदै अनुसन्धानको आधारमा नयाँ धारणाको विकास भइरहेको छ । हामीले नयाँ धारणालाई आत्मसात गर्दै अघिं बढ्नुपर्छ । विश्व स्वास्थ्य संगठन, सीडीसी लगायतका आधिकारिक संस्थाले बनाएका नयाँ धारणा यहाँ उल्लेख गरेको छु –


Advertisment
RMC TANSEN
IME BANK INNEWS
shivam ISLAND

– कुनै संक्रमितसंग ६ फिटको दूरी कायम भएको तथा १५ मिनेटभन्दा कम समय कुरा भएको अवस्थामा लक्षण नदेखिएमा पीसीआर परीक्षण गर्नुपर्दैन ।


Advertisment
Nabil box
Kumari

– ज्वरो आउने, खोकी लाग्ने, सास फेर्न गाह्रो हुने, जाडो हुने, स्वाद र गन्ध हराउने जस्ता लक्षण देखिएमा वा संक्रमितसँग १५ मिनेटभन्दा धेरै एक्सपोजर भएमा जति सक्यो छिटो पीसीआर टेस्ट गर्नुपर्दछ । छिटो संक्रमण पत्ता लागेमा आफूलाई पनि जोखिम व्यवस्थापन गर्न सजिलो हुने तथा अन्य व्यक्तिलाई पनि नसर्ने (आइसोलेसनमा बसेपछि) हुन्छ ।

Vianet communication
Laxmi Bank

– अमेरिकाको सीडीसी लगायतका संस्थाले आइसोलेसन अवधि १४ दिन घटाएर १० दिन कायम गरेका छन् । केही युरोपियन देश तथा अमेरिकाले पनि आइसोलेसन अवधिलाई ७ दिनमा झार्ने छलफल गरे पनि जनस्वास्थ्य विज्ञहरूले १० दिनभन्दा कम गरेमा संक्रमण फैलिने चेतावनी दिएका छन् । हामीले पनि लक्षण नभएको अवस्थामा आइसोलेसन अवधि १० दिन कायम गर्ने वा लक्षण देखिएका केसमा लक्षण हराएको ३ दिनपछि (१० दिन बसिसक्दा लक्षण हराएको ३ दिनपछि) आइसोलेसन अवधि समाप्त गर्दा हुन्छ ।

– १० दिनको आइसोलेसनपछि जोखिम वर्गमा रहेका व्यक्ति (ज्येष्ठ नागरिक, दीर्घ बिरामी, अटो इम्युन डिजिज भएका व्यक्ति तथा अस्पतालमा गम्भीर रहेका बिरामी) बाहेक अन्य व्यक्तिले पीसीआर टेस्ट गर्नुपर्दैन । ठीक भयो कि भएन भनेर चिन्ता तथा तनाव लिने व्यक्तिले ढुक्क हुनको लागि पीसीआर टेस्ट गर्नु राम्रो उपयुक्त हुन्छ ।

– कोभिडका गम्भीर बिरामीलाई आइसोलेसन अवधि २० दिनसम्म राख्नुपर्ने सीडीसीले जनाएको छ ।

– एकपटक संक्रमण भएर निको भएपछि  ३–४ महिनासम्म सामान्यतया पुनः संक्रमण हुँदैन । जनस्वास्थ्यका मापदण्ड अबलम्बन नगरेमा पुनः संक्रमण हुनसक्छ । तर एकपटक संक्रमित भएको व्यक्तिको शरीरमा भएको एन्टिबोडीले भाइरसलाई नष्ट गर्छ । जसले गर्दा गम्भीर हुने सम्भावना कम हुन्छ । निको भएको व्यक्तिलाई संक्रमण भयो भने उसले अन्य व्यक्तिलाई सार्न सक्छ ।

– नेपालमा पीसीआर टेस्टले ७० प्रतिशत सही रिपोर्ट दिएको बताइन्छ । ३०% को गलत रिपोर्ट आउन सक्छ । यदि कुनै व्यक्तिलाई ‘फल्स पोजिटिभ’ देखियो भने उक्त व्यक्तिलाई पछि संक्रमण हुनसक्छ । उक्त व्यक्तिले आफूलाई पुनः संक्रमण भएको ठान्दछ । कुनै लक्षण नदेखिएर निको भयो भने आफ्नो शरीरमा एन्टिबोडी छ कि छैन भनेर परीक्षण गर्न सकिन्छ ।

– सिटी भ्यालु धेरै वा थोरै हुँदा चिन्ता गर्नुपर्दैन । कहाँबाट स्याम्पल लिइएको हो ? पर्याप्त मात्रामा लिइएको हो कि हैन ? यसलाई कसरी परिवहन गरियो ? कस्तो किट तथा रि–एजेन्ट प्रयोग गरियो ? प्रयोगशालाको गुणस्तर तथा प्राविधिकको गुणस्तर आदिमा सिटी भ्यालु फरक–फरक आउन सक्छ । संक्रमण शुरू हुँदा भाइरस लोड कम हुने, ५–६ दिनपछि भाइरस रेप्लिकेट भएर भाइरस लोड धेरै हुने तथा ९–१० दिन वा त्यसपछि भाइरस नष्ट भएर त्यसको लोड कम हुने भएकोले समेत सिटी भ्यालु बढी वा घटी हुनसक्छ । सिटी भ्यालु थोरै अंकमा हुँदा उक्त नमूना धेरै संक्रामक भएको बुझिन्छ । सिटी भ्यालु भनेको रफ इस्टिमेट मात्र हो । त्यसैले सिटी भ्यालुको आधारमा चिन्ता गर्नुपर्दैन ।

– लक्षण नभएका व्यक्तिले कुनै औषधि सेवन गर्नुपर्दैन । पोषिलो खाना खाने, हल्का व्यायाम गर्ने, घाम ताप्ने, ८–९ घण्टा सुत्ने तथा आइसोलेसनको नियम पालना गर्‍यौं भने ठीक हुन्छ ।

– इम्युनिटी पावर एकाएक बढ्ने हैन । यो निरन्तर प्रक्रिया हो । भिटामिन सी, भिटामिन डी, जिंक तथा हर्बल सप्लिमेन्ट चिकित्सक र स्वास्थ्यकर्मीको सल्लाह अनुसार सेवन गर्नु उपयुक्त हुन्छ ।

– पीसीआर पोजिटिभ आउँदैमा आत्तिने तथा पीसीआर नेगेटिभ आउने बित्तिकै बिजेता भएको ठान्नु हुँदैन । पीसीआर पोजिटिभ आएपनि सामान्य रूपमा निको हुनसक्छ, नेगेटिभ रिपोर्ट आएपनि अस्पताल र आईसीयू बसेको व्यक्तिलाई केही महिना असर गर्न सक्छ । तसर्थ स्वास्थ्यलाई पोजिटिभ र नेगेटिभको रूपमा मात्र लिनु हुँदैन ।

– हाम्रो शरीरको नर्मल तापक्रम ९८.४ डिग्री फ. हो । शरीर तातो महसूस भए पनि तापक्रम १०० डिग्री फ. वरिपरि भएमा पारासिटामोल खान सकिन्छ । खोकीको लागि कफ सिरप तथा एन्टी एलर्जिक औषधि सेवन गर्दा हुन्छ । आफैंले एन्टिबायोटिक जस्ता कडा औषधि खानु हुँदैन । ज्वरो तथा खोकी सामान्य उपचारले ठीक नभएमा चिकित्सकसँग सम्पर्क राखेर औषधि सेवन गर्नुपर्दछ ।

– कोरोना संक्रमणले छातीमा असर गर्ने भएकोले ज्वरो र खोकी र छाती दुख्ने भएमा तुरुन्त छातीको एक्सरे गर्नुपर्दछ वा आवश्यकता अनुसार छातीको सिटीस्क्यान गर्नुपर्दछ ।

– गाह्रो भएमा वा अक्सिजनको मात्रा ९२ भन्दा कम भएमा तुरुन्तै अस्पताल जानुपर्दछ । अस्पताल जाने कुरामा कहिल्यै पनि भरे वा भोलि भन्नु हुँदैन ।

– आइसोलेसन अवधि पूरा भएपछि पटक–पटक टेस्ट गर्नु जरुरी छैन । पीसीआरले सक्रिय हो कि नष्ट भएको भाइरस हो भनेर छुट्याउन सक्दैन । कुनै–कुनै व्यक्तिको शरीरमा १० दिनदेखि ३ महिनासम्म पनि नष्ट भएका भाइरसका अवशेष रहन सक्ने भएकाले पोजिटिभ देखिन सक्छ । पटके पोजिटिभ रिपोर्टले संक्रमण भएको व्यक्तिलाई केहि असर गर्दैन, अन्य व्यक्तिलाई पनि सर्दैन । नेगेटिभ रिपोर्ट ल्याउने भनेर चिन्ता गर्ने वा परीक्षण गरिरहने गर्नु जरुरी छैन । 

– संक्रमण निको भएपछि पनि केही हप्ता असजिलो हुनसक्छ । थकाइ लाग्ने, मांशपेशी दुख्ने, सास फेर्न असजिलो हुने, निद्रा कम हुने, चिन्ता लाग्ने, स्वाद र गन्ध नआउने लगायत हुनसक्छ । यी समस्या केही हप्तापछि आफैं ठीक हुन्छन् ।

– अक्सिजन कम भएमा घरमा अक्सिजन दिएर हुँदैन । निमोनिया भएको भए हाइफ्लो अक्सिजन दिनुपर्ने हुन्छ । साथै एन्टिभाइरल लगायतका औषधि अस्पताल भर्ना भएर दिनुपर्दछ । नशाबाट औषधिहरू चलाउनुपर्छ ।

– जनस्वास्थ्यका मापदण्ड आम नागरिकले पनि जीवनशैलीको रूपमा पालना गर्नु जरुरी छ भने सरकारले जनस्वास्थ्यका मापदण्ड पालना गराउन अनुगमन र निगरानी बढाउनु जरुरी छ । परीक्षणको दायरा व्यापक बढाउनु जरुरी छ । आइसोलेसन केन्द्र सुविधासम्पन्न बनाउनु जरुरी छ । संस्थागत आइसोलेसन आकर्षक नहुनाले होम क्वारेन्टीनमा बस्ने संक्रमितको मृत्यु संख्या बढेको हो । अक्सिजन शय्या, आईसीयू तथा भेन्टिलेटरको क्षमता बढाउनु जरुरी छ । 

– अहिले विश्वमा कोरोना संक्रमणको दोस्रो लहर फैलिएको छ । तेस्रो लहर रोकथामको लागि विभिन्न देशले तयारी गरिरहेका छन् । तसर्थ हामीले पनि दोस्रो तथा तेस्रो लहर रोकथामको लागि तयारी गर्नु जरुरी छ ।

– जाडो मौसममा पहिले पनि निमोनिया, दम, ब्रोंकाइटिस आदि रोगले ठूलो संख्यालाई असर गर्थ्यो । जाडो महिनामा कोरोना संक्रमितलाई निमोनिया हुने सम्भावना धेरै हुन्छ । श्वासप्रश्वासका बिरामीलाई झनै असर गर्छ । प्रदुषणले पनि गम्भीरता बढाउँछ । तसर्थ जाडो महिनामा जोखिम वर्गका व्यक्ति अनिवार्य रूपमा घरमा बस्ने तथा काममा जाने व्यक्तिले अनिवार्य र सही तरिकाले मास्क लगाउनु जरुरी छ । भीडभाडमा नजाने तथा बन्द कोठामा बैठक, भेटघाट, भेला आदि गर्नु हुँदैन । बन्द कोठामा संक्रमण धेरै फैलिन्छ ।

– आफूले खाइरहेका विभिन्न रोगका औषधि छोड्नु हुँदैन । सक्रिय जीवनशैली बिताउनु पर्दछ ।

– कोरोना भाइरसविरुद्ध खोपको निर्माणले ठूलो फड्को मारेको छ । आशा गरौं, खोप छिटो आउनेछ । खोप आफ्नो पाखुरामा नलगाएसम्म मास्क, दूरी र सफाइलाई छोड्नु हुँदैन ।

hAMROPATRO BELOW NEWS
TATA Below
कात्तिक ३०, २०८०

कमेडी क्लब चलाउने मुन्द्रे उपनाम गरेका एकजना मान्छे छन्। एकै श्वासमा चारवटा प्रश्न सोध्न सक्ने क्षमता भएका जानेमाने पत्रकार ऋषि धमलाको कार्यक्रममा पुगेर तिनले भन्न भ्याए, 'यो टिकटकका कारण मान्छेहरू अल्छी भए, कुन...

पुस १९, २०८०

धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...

मंसिर ३, २०८०

मखमली फुल्दा, मार्सी धान झुल्दा बहिनी आउने छिन्,​ दैलाको तस्वीर छातीमा टाँसी आँसु बगाउने छिन् .....।  हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...

फागुन २८, २०८०

उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...

कात्तिक २४, २०८०

राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...

कात्तिक ३०, २०८०

केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x