कात्तिक १७, २०८०
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
कोरोना महामारीको बेलामा पनि पोखराको आकाशमा प्याराग्लाइडिङको ताँती छ । थलिएको पर्यटन व्यवसाय उकास्ने कोसिस जारी छ ।
आधा छुटले दैनिक ६०० बढी उडान हुने गरेको छ । पर्यटकहरू फेवाताल, माछापुच्छ्रे, हरियो वनजंगल, सुन्दर शहर पोखराको मनमोहक दृश्य आँखाभरि बोकेर फर्किरहेका छन् ।
पर्यटकलाई चीलझैं फनफनी घुमाउने ‘प्याराग्लाइडिङ पाइलट’ एकपछि अर्को जन्मिँदै गएका छन् । तर नेपालमा प्याराग्लाइडिङ भित्र्याउने पहिलो पाइलट को होलान् ? तपाईं–हामी जोकोहीलाई जिज्ञासाको विषय हुनसक्छ ।
उनी हुन्, राजेश बमजन (४३) । नेपालकै पहिलो प्याराग्लाइडिङ पाइलट बमजन लेकसाइडमा सञ्चालित सनराइज प्याराग्लाइडिङका प्रबन्ध निर्देशक हुन् । यतिखेर पोखरामा ६१ प्याराग्लाइडिङ कम्पनी रहेकोमा सनराइज प्याराग्लाइडिङको पायोनियर हो । जो आजभन्दा २१ वर्षअघि सन् १९९९ मा स्थापित भयो ।
‘सन् १९९६ अक्टोबर मध्यतिर हो, जतिखेर म एक्लैले प्याराग्लाइडिङ उडाएँ । हावामा उड्ने कुरा सामान्य थिएन,’ लोकान्तरसँगको कुराकानीमा राजेशले विगत सम्झिए, ‘एड्भेञ्चर भएकाले पनि मनमा उत्साह र डर दुवै भरिएको थियो । सराङ्कोटबाट टेक अफ लिएर फेवाताल किनारमा सफलतापूर्वक ल्यान्ड गरेको हुँ ।’
उनी प्याराग्लाइडिङ क्षेत्रमा लाग्नुको श्रेय बुवालाई दिन्छन् । उनका बुवाको नाम बिरु बमजन हो । बिरुले नेपालमै साहसिक खेल भित्र्याएका हुन् । नुवाकोट त्रिशूलीबाट टे«किङ व्यवसायका लागि उनी पोखरा आएका थिए, सनराइज ट्रेकिङ चलाउन । त्यसबेला पोखरामा १ दर्जन मात्र ट्रेकिङ कम्पनी थिए । टे«किङ जाने अधिकांश विदेशी पर्यटक नै हुन्थे ।
सन् १९९२ तिरको कुरा हो । बिरुका विदेशी साथी थिए इटलीका नाभियो इलियट । इटलीबाट नेपाल घुम्न आउने क्रममा पोखरामा माउन्टेनरिङ तथा प्याराग्लाइडिङ दुवै गर्थे । उनीसँगको संगतमा बिरुलाई पनि प्याराग्लाइडिङतर्फ इच्छा जाग्यो । अनि नेपालमा पनि यसको व्यावसायिक रूपमा प्रवद्र्धन गर्नुपर्छ भन्ने चाहनाअनुरूप लागिपरे ।
पोखरामा त्यसबेलासम्म माउन्टेनरिङ, ट्रेकिङ, र्याफ्टिङ मात्र एड्भेन्चर टुरिज्मका रूपमा चिनिन्थ्यो । आफूले सिक्न चाहेनन्, मात्र प्रवद्र्धनतर्फ लागे । सन् १९९६ मा सनराइज प्याराग्लाइडिङ कम्पनी खोले ।
यता, जेठा छोरा राजेश हुर्किंदै थिए । उनी १८ वर्ष भए । बिरुले उनैलाई अघि सारे । सिकाउन उत्पे्ररित गरे । बेलायती नागरिक एडम हिल पनि टे«किङ तथा प्याराग्लाइडिङका लागि बेलाबखत पोखरा आउने–जाने गर्थे । उनीसँग पनि बिरुको राम्रो चिनचान भयो । प्रिय साथी बने । उनैसँग राजेशले सिक्ने अवसर पाए । बुवाको आग्रह एवं प्रेरणाका कारण उनी उडान भर्न तयार भए र २१ वर्षदेखि पोखराको आकाशमा उडिरहेका छन् । अहिले उनको दिनचर्या झनै व्यस्त छ ।
समयक्रमसँगै बिरु आफ्ना ३ छोरालाई कम्पनीको जिम्मा लगाएर अमेरिका पलायन भएका छन् । उनी त्यता गएको १३ वर्ष बित्यो । बेलाबखत आउँछन् । राजेशसँगै ३४ वर्षीय विनोद र ३० वर्षीय सचिन प्याराग्लाइडिङ पाइलट हुन् । उनीहरू सबैजना यहीँ क्षेत्रमा आवद्ध छन् । २ दिदीबहिनी पुनम र सुष्माको बिहेदान भएको छ । केही समयसम्म पुनमले बेसिक कोर्स गरी सोलो फ्लाइट गर्दै आकाशमा फन्को मारेकी थिइन् तर सुष्माले रुचि देखाइनन् ।
कोरोना महामारीका कारण सरकारको लकडाउन र निषेधाज्ञाले लामो समय ठप्प बन्यो प्याराग्लाइडिङ । असोजदेखि उडान अनुमति दिएपछि बल्ल जुर्मुराउन थालेको छ । प्याराग्लाइडिङ कम्पनीको छाता संस्था नेपाल हवाई खेलकुद संस्था (एनएए) ले उडानमै आधा छुट गरेपछि टाढा–टाढाबाट प्याराग्लाइडिङ उड्न मानिसहरू ओइरिएका छन् ।
तर अघिल्लो हप्ता प्याराग्लाइडिङ दुर्घटनाले नराम्रो ठेस पुग्यो । पोखराका अनुभवी पाइलट राजु गैरे नेपालीले उडानका क्रममा ज्यान गुमाए । यात्रु घाइते भइन् । कोरोना महामारीको बेला भर्खरै जुर्मुराउँदै गरेको यो क्षेत्रलाई सो घटनाले ठूलो धक्का दियो । त्यसकारण नेपाल हवाई खेलकुद संस्था (एनएए) ले प्याराग्लाइडिङको गुणस्तरसँगै सुरक्षाको चेकजाँचलाई कडाइका साथ लागू गर्नुपर्ने राजेशको सुझाव छ । किनकि उनी संस्थाका पूर्व अध्यक्ष पनि हुन् । २ कार्यकालको अनुभव उनीसँग छ । संस्थापक अध्यक्ष उनकै बुवा बिरु बमजन हुन् ।
पोखराको प्याराग्लाइडिङ व्यवसायमा बेथिति पनि जन्मिन थालेकोमा राजेशलाई चिन्ता छ । उनी भन्छन्, ‘सबै चिजको स्ट्यान्डर्ड मेन्टेन हुन सकेन । सहजै पाइलटलाई लाइसेन्स दिने प्रणाली रोकिनुपर्छ । कडाइ गरिनुपर्छ । एउटा ट्याक्सी ड्राइभरलाई लाइसेन्सका लागि जति कठिन छ, त्योभन्दा सहज प्याराग्लाइडिङमा छ ।’
यो एड्भेन्चर टुरिज्म भएकाले निके संवेदनशील पनि रहेको उनी बताउँछन् । भन्छन्, ‘पोखरामा एकताका निकै चर्चित र्याफ्टिङ क्षेत्र अहिले त्यति चर्चामा छैन । पलायन हुँदैछ । त्यसैले सानातिना दुर्घटना र विकृति विसंगति भित्रिँदा प्याराग्लाइडिङ पनि पलायन भएर नजाला भन्न सकिन्न ।’
एउटा प्याराग्लाइडिङमा १ पाइलट र यात्रु मात्र बस्न मिल्छ । उडानका क्रममा प्राविधिक टिप्सबारे पाइलटले यात्रुलाई ब्रिफिङ गर्छन् । नेपालमा विशेषगरी अक्टोबर र नोभेम्बर उडानका लागि उपयुक्त मौसम हो । तैपनि वर्षमा ३४० दिन नै ग्लाइडर उडाउन मिल्ने बताइन्छ । पोखरा विश्वमै प्याराग्लाइडिङ खेलका लागि उत्कृष्ट गन्तव्य बनिरहेको छ । प्याराग्लाइडिङमा रुचि राख्ने खेलप्रेमी विभिन्न देशबाट नेपाल आउने गर्छन् ।
डोरी र ग्लाइडर सहयोगमा आकाशमै विना इन्जिन स्वतन्त्र उड्ने साहसिक खेल प्याराग्लाइडिङ पोखराबाट शुरू भएर नेपालका प्रमुख केही हिमाली र पहाडी जिल्लामा विस्तार हुँदैछ । काठमाडौं, धरान, स्याङ्जा, पाल्पा, पर्वत, बन्दीपुर, सुर्खेत लगायतका स्थानमा प्याराग्लाइडिङ भर्न सकिन्छ । पोखराको तुलनामा अन्य ठाउँको प्याराग्लाइडिङले गति भने लिन सकेको छैन ।
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...