साताको पहिलो दिन आइतवार शेयर बजारमा भारी गिरावट आएको छ । 

यस दिन नेप्से परिसूचक ९६.८८ अंकले घट्दै विन्दु १९३५.६३ मा झरेको नेप्सेले जनाएको  छ । 

पछिल्लो राजनीतिक उतारचढावको असर लगानीकर्तामा देखिँदा बजारमा गिरावट आएको लगानीकर्ताहरूको विश्लेषण छ । 

यस अवधिमा १९८ वटा कम्पनीको ७६ हजार २ सय ९२ पटकको कारोबारमा १ करोड ३८ लाख ६५ हजार ९ सय ६३ कित्ता शेयर कारोबार भएको छ । ८ अर्ब ६१ करोड २८ लाख रुपैयाँ बराबरको खरिदबिक्री भएको छ ।

कारोबारमा आएका १२ ओटा समूहको परिसूचकमध्ये सबै समूहको परिसूचक घटेको हो ।

सबैभन्दा बढी अन्य समूहका परिसूचक ७.७७ प्रतिशतले घटेको छ । त्यसपछि जलविद्युत समूहमा पहिरो गएको छ । यो ६.६६ प्रतिशतले घटेको हो ।