मंसिर १४, २०८०
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
फेवाताल किनारै–किनार अलि पर भकुण्डे पुग्दा तपाईं छक्क पर्नुहुनेछ । ताल किनारबाट झण्डै ५०० मिटर उत्तरी दिशाको वन–बुट्याउनमाथि पूरै फलामे जालीले ढाकिएको छ ।
त्यो पनि थोरै होइन, ५० रोपनी क्षेत्रफलभरि । किन यसो गरेको होला ? जिज्ञासा लाग्नु स्वभाविकै हो । यो तरिका हो – कालिज पालनको ।
वनजंगलमा हुर्किने कालिजलाई मानव समुदायले वनजंगलकै स्वरूपमा पालन गरेर मनग्ये आम्दानीको स्रोत बनाएका हुन् । यो कर्ममा लागेको २ वर्ष नबित्दै ७० लाख रुपैयाँ बराबरको कालिज बिक्री भइसकेको छ ।
पोखराका पूर्णप्रसाद तिमिल्सिना बेल्जियम बस्छन् । उनले त्यहाँ कालिज फर्म नै चलाएका छन् । विदेशमा सिकेको सीप स्वदेशमा प्रयोग गर्न आफन्त, साथीभाइलाई उक्साएपछि पर्यटकीय नगरी पोखरामा ठूलो लगानीमा कालिजपालन शुरू भएको हो ।
कालिज पालनका लागि तुलसीकुञ्ज इको एण्ड वाइल्ड भिलेज प्रालि नाममा ७ जनाले लगानी गरेका छन् । प्रत्येक सञ्चालकको जनही २० लाख रुपैयाँ बराबर शेयर छ । पोखरा महानगरपालिका–१८ भकुण्डे र रातमाटेमा गरी ३ वटा बडेमानका खोर सञ्चालन गरिएको छ । ती खोरमा सबै गरेर ५ हजारजति कालिज छन् । हाल भुकण्डेमा ४ हजार ५०० र रातमाटेमा ५०० कालिज हुर्किरहेका छन् ।
पोखरा–१८ भकुण्डेस्थित कालिज फर्ममा भेटिएका सञ्चालक ध्रुव थापा अरु सञ्चालकको तुलनामा उमेरले पाका ५३ वर्षीय छन् । उनले कालिजपालन, यसको चुनौती, बजार क्षेत्र र आम्दानीबारे विस्तृतमा बताए ।
‘स्वदेशमै केही गर्नुपर्छ भन्ने उद्देश्यले हामीहरू ७ जना मिलेर नौलो व्यवसायमा हात हालेका हौं,’ उनले भने, ‘शुरूआती अवस्था हेर्दा राम्रै छ ।’ उनका अनुसार ७ सञ्चालकमध्ये ३ जना पूर्णप्रसाद तिमिल्सिना, प्रह्लाद थापा र शिव थापा बेल्जियम बस्छन् । अन्य ४ जना ध्रुव थापासहित डोलबहादुर थापामगर, राजुप्रसाद तिमिल्सिना र पवनकुमार जिसी नेपालमा छन् ।
सबै जनाले कालिज पालनसहित रातमाटेमा रिसोर्ट समेत निर्माण गर्दैछन् । कालिज पालनको तुलनामा रिसोर्टमा बढी लगानी छ । सबै गरेर कूल ६ करोड रुपैयाँ बराबरको लगानी भइसकेको अर्का सञ्चालक पवनकुमार जिसीले बताए ।
‘पहिले पोखरामा ट्याक्सी चलाएँ । गाडी लाइनमा लामो समय बित्यो । २०५४ सालमा वैदेशिक रोजगारीको सिलसिलामा साउदी अरब गएँ । त्यहाँ ७ वर्षसम्म बसेर पछि ४ वर्ष जति इराकमा काम गरें । ११ वर्षसम्म विदेशी भूमिमा रगत पसिना बगाएपछि स्वेदशमै केही गर्नुपर्छ भनी फर्किएको हुँ,’ सञ्चालक ध्रुव थापाले कालिज कथा सुनाए, ‘साथीहरू मिलेर विभिन्न बिजनेसमा हात हाल्ने क्रममा बेल्जियम बस्ने भाइहरू प्रह्लाद र शिवले पूर्णजीसँग मिलेर कालिज पाल्नेबारे प्रस्ताव ल्याएपछि यो क्षेत्रमा आकर्षित भएका हौं ।’
उनले विगत सम्झे, ‘पहिले चल्ला पाइएन । फ्रान्सबाट अण्डा मगाइयो । त्यसबेला ८ हजार हाराहारीमा अण्डा ल्याएकोमा ३ हजार चल्ला निस्कियो । २ हजार ५०० हाराहारीमा बच्यो । पछि तिनै पोथी कालिजबाट क्रमशः संख्या वृद्धि हुँदै गएको हो ।’ बढीजसो रिङनेट जातका कालिज पालिएका छन् । रंग अनुसार ५ जातका कालिज हुर्किरहेका उनले बताए ।
पोथी तुलनामा भाले कालिज सस्तो पर्छ । झण्डै १ हजार २०० ग्राम पुगिसकेपछि बिक्री गरिने भाले कालिज प्रतिगोटा ३ हजार ५०० र पोथी कालिज ६ हजार रुपैयाँसम्म पर्छ । व्यावसायिक पालनका लागि १५ जना जति किसानले फर्ममै आएर खरिद गरिसकेका छन् । ‘कालिज हुर्काउन सक्नुपर्छ, गेटबाटै बिक्री हुँदोरहेछ,’ सञ्चालक थापाले भने, ‘बजारलाई समस्यालाई छैन ।’
उनका अनुसार चाँडै नै १० हजारको संख्यामा कालिज पुर्याउने उद्देश्यले नजिकै अर्को खोर पनि तयार हुँदै गरेको छ । ‘साढे ७ रोपनी क्षेत्रफलमा तारजालीसहित खोर बनाउँदा १२ लाख रुपैयाँ पर्छ । एक पोथीले वर्षदिनमा ४५ देखि ५० वटा अण्डा पार्दोरहेछ । कालिजको आहारा भनेको कीरा फट्याङ्ग्रा, घाँस नै बढी हो,’ उनले भने ।
कालिजबाहेक सोही फर्म नजिकै कणकनाथ जातका कुखुरा र ब्रोइलर पनि पालिएका छन् । ७ महिनामा खान मिल्ने कणकनाथ भारतीय जात हो । विशेषगरी सुत्केरी तथा बिरामीको लागि पोषिलो हुने सञ्चालक थापाले बताए । ‘ब्रोइलर तुलनामा कालिज पाल्न ठूलो लगानी र धैर्य गर्नुपर्छ, उनले भने, ‘ब्रोइलरजस्तो ४५ दिनमै बेच्ने हतार हुनेलाई कालिज नपाले पनि हुन्छ । कम्तीमा १ वर्ष पर्खिनुपर्छ ।’
कालिज पाल्दा बाघ र मलसाप्रो (जमिन खोस्रिने जीव) बाट बचाउनु ठूलो चुनौती रहेको उनले बताए । ‘२ महिनाअघि मात्रै हो, बाघले जाली च्यातेर खोरभित्र छिर्दा झण्डै ४० लाख रुपैयाँ नोक्सान भएको थियो । त्यसबेला छिरेका २ बाघ माथिबाट जाली च्यातेर २०० जति कालिज मारेको थियो भने ३०० जति उडेर भागेका थिए । जसबाट झण्डै ४० लाख रुपैयाँ नोक्सान भएको थियो,’ उनले भने । सो घटनाबाट पाठ सिक्दै अहिले भने भारतबाट भगाएर बलियो जाली ठोकिएको छ ।
कामको खोजीमा खाडी मुलुक भौतारिने नेपाली युवालाई स्वदेशमै पनि सुन फल्न सक्छ भन्ने गतिलो उदाहरण कालिजपालन हुनसक्ने उनले बताए ।
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...